မိူင်းမျၢၼ်ႇမႃႇ ပွတ်းတူၵ်း

မိူင်းမျၢၼ်ႇမႃႇ ပွတ်းတူၵ်း ၼႆႉ ပဵၼ်ၼႃႈလိၼ် ၶွင် မိူင်းမျၢၼ်ႇမႃႇယဝ်ႉ။

ဝဵင်း

• 1 ၸိတ်ႉတူၺ်ႇ (Akyab) - ဝဵင်းငဝ်ႈၸိုင်ႈ ၶွင် ၸႄႈမိူင်းရၶႅင်ႇ
• 2 တၢၼ်ႇတွႆး

ပၢႆတၢင်း တၢင်ႇၸိူဝ်း

မျွၵ်ႉဢူး၊ ဝဵင်းငဝ်ႈၸိုင်ႈၵဝ်ႇ ၶွင် မိူင်းရၶႅင်ႇ

• 1 မျွၵ်ႉဢူး - လွင်ႈလုလႅဝ်မိူဝ်ႈၵွၼ်ႇ
• 2 ၼတ်ႉမႃႉတွင်ႇ (လွႆဝိၵ်ႇထူဝ်းရီးယႃး)
• 3 ငပလီႇ - ဢွင်ႈတီႈလိုဝ်ႈ ၽင်ႇပၢင်ႇလၢႆႇ

ၵႂႃႇၸူး

လွၵ်းလၢႆးတႃႇတေၵႂႃႇၸူး ၼႃႈလိၼ်ရၶႅင်ႇ ဢၼ်ငၢႆးသေပိူၼ်ႈတႄႉ ၶီႇႁိူဝ်းမိၼ် တႃႈၵုင်ႈ ၸူး ၸိတ်ႉတူၺ်ႇ (AKY  ^IATA)ၼၼ်ႉယဝ်ႉ။ ၸွမ်းၼင်ႇ ၶပ်ႉမၢႆသၢႆၵၢၼ်မိၼ်ၼႂ်းမိူင်းၼႆႉ ၼိုင်ႈၵမ်းပဵၼ်ၼိုင်ႈမဵဝ်းလႄႈ ၸဝ်ႈၵဝ်ႇ လူဝ်ႇပၼ်ၶၢဝ်းယၢမ်းလိူဝ် ႁင်းတူဝ်ၸဝ်ႈၵဝ်ႇဝႆႉ။

တႃႈႁိူဝ်းမိၼ် တၢၼ်ႇတွႆး (SNW  ^IATA)

ၸွၼ်ႇ

ၶၢတ်ႈႁိူဝ်းသုၼ်ႇတူဝ်လႄႈ ၵူၼ်းၸိၼမ်းသၢႆတၢင်း လုၵ်ႉတီႈ မႄႈၼမ်ႉၵလတၢၼ်ႇ သေ ၵႂႃႇ မျွၵ်ႉဢူး ၼၼ်ႉ မၼ်းဢမ်ႇပေႃး ၵႃႈၶၼ်ယႂ်ႇဢႃးလႃးလႄႈ မၼ်းတေပဵၼ် ၶၢဝ်းတၢင်း ဢၼ်လီၶဝ်ႈၸႂ်ဝႆႉယူႇ။

ယူႇသဝ်းႁႂ်ႈလွတ်ႈၽေး

ပေႃးဝၢႆးလႅတ်ႇၶဝ်ႈၵႂႃႇယဝ်ႉသေ ပေႃးတိုၵ်ႉမီးယူႇတီႈၼႂ်း မႄႈၼမ်ႉၵလတၢၼ်ႇၼႆ မၼ်းတေဢမ်ႇပေႃးၶႅမ်ႉ၊ ယွၼ်ႉပိူဝ်ႈဝႃႈ မီးၽေးၶဵၼ် တေၸၢင်ႈထုၵ်ႇၺႃးၸူၼ်ယဝ်ႉ။

မိူဝ်ႈပီ 2016-17 ၼၼ်ႉ လႆႈမီး လွင်ႈသုၼ်းတုမ်ၵႂၢင်ႈၵႂၢင်ႈၶႂၢင်ၶႂၢင် ဢၼ်ၵဵဝ်ႇလူၺ်ႈ လွင်ႈၶႃႈႁႅမ် လွင်ႈၵၼ်ႉလူလၢႆ ၵူၼ်းပိင်ႇၵလီႇ (ရူဝ်ႇႁိၼ်ႇၵျႃႇ)၊ လွင်ႈဢဝ်ၽႆးၸုတ်ႇဝၢၼ်ႈၶဝ် လႄႈ လွင်ႈလိုပ်ႈၶဝ်ဢွၵ်ႇတီႈ ၸႄႈမိူင်းရၶႅင်ႇ။ ၵဵဝ်ႇလူၺ်ႈၽွၼ်းဢၼ်ၼႆႉ လႄႈ လိူင်ႈသုၵ်ႉယုင်ႈ ၼႂ်းၵႄႈ သိုၵ်းပိင်ႇၵလီႇ တင်း သိုၵ်းလူင်ပွင်ၸိုင်ႈသေသေ လႆႈမီး တၢင်းၶႆႈၸႂ် တွၼ်ႈတႃႇ ဢွၵ်ႇၶၢဝ်းတၢင်း တီႈၼၼ်ႈယဝ်ႉ။ တူဝ်ယၢင်ႇမၼ်း

The UK Foreign and Commonwealth Office (FCO) လႆႈပၼ်တၢင်းၶႆႈၸႂ်ဝႆႉ တႃႇသၢၼ်ၶတ်းတင်းသဵၼ်ႈ ၵူၺ်းၵႃႈဝႃႈ ပေႃးဝႃႈလူဝ်ႇဢွၵ်ႇၶၢဝ်းတၢင်းၸူး ၸႄႈမိူင်းရၶႅင်ႇ ဢမ်ႇၵႂႃႇဢမ်ႇပဵၼ်ၼႆ ႁႂ်ႈႁႄ ၸႄႈဝဵင်းၸိူဝ်းမီး ပွတ်းၸၢၼ်း ၼင်ႇ ၵျွၵ်ႉၽျူႇ၊ ရမ်းပျႄး၊ မၢၼ်ႇဢွင်ႇ၊ တွင်ႇၵူၵ်ႉ၊ တၢၼ်ႇတွႆး (ၶဝ်ႈပႃး ဢွင်ႈတီႈလိုဝ်ႈသဝ်း တူဝ်းရိတ်ႉ ဢၼ်ပဵၼ် ငပလီႇ) လႄႈ ၵႂႃႉ ၸိူဝ်းၼႆႉ။

http://smartraveller.gov.au: ပေႃးတေဢွၵ်ႇၶၢဝ်းတၢင်း ၸႄႈမိူင်းရၶႅင်ႇ (လိူဝ်သေ ဢွင်ႈလိုဝ်ႈသဝ်း တီႈ ၽင်ႇပၢင်ႇလၢႆႇ ပငလီႇ)၊ မိူင်းတႆး ပွတ်းႁွင်ႇ လႄႈ ပွတ်းၵၢင်၊ ၸႄႈမိူင်းၶၢင် ၸိူဝ်းၼႆႉၼႆ သွၼ်ႇလွင်ႈတၢင်းလူဝ်ႇၸဝ်ႈၵဝ်ႇ တႃႇဢွၵ်ႇၶၢဝ်းတၢင်းတီႈၼၼ်ႈ။

Government of Canada: ပေႃးဢမ်ႇလူဝ်ႇၼႆ ငိူင်ႈဝႄႈ လွင်ႈဢွၵ်ႇၶၢဝ်းတၢင်းတီႈ ၸႄႈမိူင်းၸိူဝ်းၼႆႉ၊ ယွၼ်ႉဝႃႈ မၼ်းမီးလွင်ႈ ဢမ်ႇၼိမ်သဝ်း-

• ၸႄႈမိူင်းၶၢင်
• မိူင်းတႆးပွတ်းႁွင်ႇ
• ၸႄႈမိူင်းရၶႅင်ႇ၊ လိူ်ဝသေ ဢွင်ႈတီႈလိုဝ်ႈသဝ်းတူဝ်းရိတ်ႉ တီႈ ငပလီႇ လႄႈ လုၵ်ႉတီႈ ဢွင်ႈလိုဝ်ႈသဝ်း ၵႂႃႇတီႈ တႃႈႁိူဝ်းမိၼ် တၢၼ်ႇတွႆး

Safetravel (New Zealand): တီႈလႅၼ်လိၼ် လၢဝ်း၊ ထႆး၊ ဢိၼ်းတီးယႃး၊ ပင်းၵလႃးတဵတ်ႉ လႄႈ ၶႄႇ ၸိူဝ်းၼႆႉ မၼ်းမီးလွင်ႈဢမ်ႇႁူမ်ႇလူမ်ႈတင်းၼမ်လႄႈ ႁဝ်းၶႂ်ႈပၼ်တၢင်းၶႆႈၸႂ် တူဝ်းရိတ်ႉတင်းသဵင်ႈ ပေႃးဢမ်ႇလူဝ်ႇၵႂႃႇတႄႉတႄႉၼႆ ႁႂ်ႈငိူင်ႉဝႄႈ လွင်ႈဢွၵ်ႇၶၢဝ်းတၢင်းၸူး လႅၼ်လိၼ်၊ ဢိၵ်ႇပႃးတၢင်း လွင်ႈၶၢမ်ႈလႅၼ်လိၼ် ပဵၼ်တၢင်းၵၢၼ်။ မီးလွင်ႈၵၢၼ်သိုၵ်းတူင်ႉၼိုင်၊ ၸုမ်းၸၢဝ်းၶိူဝ်း ၸိူဝ်းယိပ်းၵွင်ႈၵၢင်ႇ၊ ၸိူဝ်းလၵ်ႉၵႃႉယႃႈမဝ်းၵမ်ႇ လႄႈ မၢၵ်ႇၽင်လိၼ် ၸိူဝ်းၼႆႉ တေၸၢင်ႈပၼ်ၽေးၸဝ်ႈၵဝ်ႇယဝ်ႉ။

တီႈၸႄႈမိူင်းၶၢင်ၵေႃႈ လွင်ႈႁူမ်ႇလူမ်ႈၸဝ်ႈၵဝ်ႇ ဢမ်ႇပေႃးမီး (လိူဝ်သေတီႈ ၸႄႈၼႃး)၊ တီႈၸႄႈမိူင်းရၶႅင်ႇ ပွတ်းႁွင်ႇ ဢၼ်ပဵၼ် မွင်ႇတေႃး၊ ပူးတီးတငွႇ် လႄႈ ရသေႉတွင်ႇ၊ မိူင်းတႆးပွတ်းႁွင်ႇ လႄႈ ၸႄႈဝဵင်းပလႅတ်ႉဝ တီႈ ၸႄႈမိူင်းၶျၢင်း ပွတ်းၸၢၼ်း ၸိူဝ်းၼႆႉ ယွၼ်ႉမီးလွင်ႈၶဵင်ႈၶႅင်တင်း ၵူၼ်းၸၢဝ်းၶိူဝ်းလႄႈ တေၸၢင်ႈမီး လိူင်ႈသုၵ်းယုင်ႈ လႄႈ လွင်ႈဢမ်ႇၼိမ်သဝ်း။