မၢၼ်ႈမေႃႇ

မၢၼ်ႈမေႃႇ (မၢၼ်ႈ ဗန်းမော်၊ ဢိင်းၵလဵတ်ႈ Bhamo) ၼႆႉ ပဵၼ်ဝဵင်း ဢၼ်မီးတီႈ ၸႄႈမိူင်းၶၢင်၊ မိူင်းမျၢၼ်ႇမႃႇ ပွတ်းႁွင်ႇၼၼ်ႉယဝ်ႉ။

လီပွင်ႇၸႂ်ဝႆႉ

မၢၼ်ႈမေႃႇၼႆႉ ပဵၼ်ဝဵင်းဢွၼ်ႇ ဢၼ်ၵတ်းယဵၼ်သိူဝ်းသႃႇဝဵင်းၼိုင်ႈသေ မၼ်းပဵၼ် တီႈႁိူဝ်းၵိူတ်း ဢၼ်ၵႂႃႇၶၢဝ်းတၢင်းၼႂ်း ၼမ်ႉၵဵဝ်ၼၼ်ႉယဝ်ႉ။ ပေႃးပဵၼ်ၵူၼ်းၼွၵ်ႈမိူင်းတႄႉ လႆႈထုၵ်ႇႁႄႉႁၢမ်ႉ တွၼ်ႈတႃႇၶီႇႁိူဝ်းသေ သိုပ်ႇၵႂႃႇၽၢႆႇႁွင်ႇ ဢၼ်ၵႂႃႇၸူးမိူင်းၶၢင်ၼၼ်ယဝ်ႉ။ ၵူၼ်းထွင်ႈတဵဝ်းၵမ်ႇၽႃႇၼႆႉ ပဵၼ်ၵူၼ်းၶိူဝ်းၶႄႇ ၵမ်ႉၼမ်ယဝ်ႉ။

ၵႂႃႇၸူး

ၼႂ်းဝဵင်းမၢၼ်ႈမေႃႇ

ႁၢၼ်ႉတေႃႇထိုင် ပီ 2018 လိူၼ်ၾႅပ်ႇဝႃႇရီႇၼၼ်ႉ ၸိူဝ်းပဵၼ်ၵူၼ်းၼွၵ်ႈမိူင်းၶဝ် ဢမ်ႇလႆႈဢွၵ်ႇၶၢဝ်းတၢင်း ၸွမ်းႁိူဝ်း။ ၵူၺ်းၵႃႈ ပေႃးလုၵ်ႉတီႈ ၸႄႈၼႃးသေ ၶီႇလူတ်ႉၵႃးၵႂႃႇတႄႉ လႆႈယူႇ။ ပေႃးဝႃႈ ၵႂႃႇၸွမ်းတၢင်းလိၼ်ၼႆႉတႄႉ လုၵ်ႉဢဝ် တႃႈလိူဝ်ႇ ဢမ်ႇၼၼ် ၵၢတ်ႇသႃသေၵႂႃႇတႄႉ လႆႈယူႇ။

ၵႂႃႇၸွမ်း လူတ်ႉပၢတ်ႉ

တွၼ်ႈတႃႇ ၵူၼ်းၼႂ်းမိူင်းတႄႉ လူတ်ႉၵႃးဢွၼ်ႇ ဢၼ်လုၵ်ႉတီႈ ၸႄႈၼႃး ၵႂႃႇ မၢၼ်ႈမေႃႇၼႆႉ မီးဝႆႉတင်းၼမ်ယဝ်ႉ။ တွၼ်ႈတႃႇဢၼ်တိူဝ်းလူမ်ၸႂ်တႄႉ မီးလူတ်ႉပၢတ်ႉသေ လုၵ်ႉတီႈ ၸႄႈၼႃးသေ ဢွၵ်ႇယၢၼ် 08:00 ယဝ်ႉ။ မၼ်းတေႁိုင် မွၵ်ႇ 6-7 မူင်းၼႆႉသေ ၵႃႈမႂ်တိုတ်းမၼ်း တေလႆႈပၼ် 12,000 ၵျၢပ်ႈယဝ်ႉ။

ၵႂႃႇၸွမ်း ႁိူဝ်း

သၢႆတၢင်းၼမ်ႉၼႆႉ ပဵၼ်လွင်ႈတၢင်းလီ တွၼ်ႈတႃႇ ၵႂႃႇဢႅဝ်ႇလႄႇ မၢၼ်ႈမေႃႇသေ ၶီႈလွင်ႈၸွမ်း ၼမ်ႉၵဵဝ်ၼႆႉ မၼ်းလီၶဝ်ႈၸႂ်သေတႃႉ ယွၼ်ႉဢမ်ႇလႆႈတမ်းၸႂ်လႄႈ ၽူႈဢွၵ်ႇၶၢဝ်းတၢင်းၶဝ် လူဝ်ႇလႆႈမႄးလၢႆႈငၢႆႈငၢႆႈယဝ်ႉ။

ပေႃးတေၵႂႃႇၸိူင်ႉၼၼ်ၼႆ တူၺ်းသၢႆငၢႆၼႃႈၽႃႉၼႃႈမိူင်းသေ ထၢမ်ၵူၼ်းပိုၼ်ႉတီႈ ဢမ်ႇၼၼ် ၵူၼ်းႁဵတ်းၵၢၼ်တီႈ ႁူင်းႁႅမ်းလႄႈ၊ မၢင်ပွၵ်ႈၼႆႉ ယွၼ်ႉၼမ်ႉတဵမ်ႇၼႃႇဢႃးလႃးလႄႈၵေႃႈ ဢမ်ႇၸၢင်ႈၵႂႃႇၶၢဝ်းတၢင်းလႆႈ ၼႂ်းၼမ်ႉ။

ႁိူဝ်းဢၼ်ၵႂႃႇမႃး တင်း တႃႈလိူဝ်ႇ ၼႆႉ ႁိုင် ၼႂ်းၵႄႈ 1 ဝၼ်း လႄႈ 3 ဝၼ်းသေ ဢိင်ၼိူဝ် ႁိူဝ်းလႄႈ သၢႆငၢႆႈၽႃႉၽူၼ်(ပေႃးၶၢဝ်းႁိုဝ်ႉ ပေႃးၼမ်ႉၶိုၼ်ႈသုင်ၼႆႉ တိူဝ်းၽႂ်း)။ ႁိူဝ်းဢၼ်လုၵ်ႉတီႈ မၢၼ်ႈမေႃႇဢွၵ်ႇၼႆႉ ဢွၵ်ႇဝၼ်းသဝ်၊ ဢၢင်းၵၢၼ်း လႄႈ သုၵ်း ၼၼ်ႉယဝ်ႉ။ မႂ်တိုတ်းတွၼ်ႈတႃႇ ၶွင်ႉၼွၼ်း ဢၼ်ႁူမ်ႈၵၼ် (တီႈၼွၼ်း 2 ဢၼ်) ၼၼ်ႉ တေတူၵ်းၸူဝ်ႈ US$60 ယဝ်ႉ။ ၸဝ်ႈၵဝ်ႇၸၢင်ႈလိူၵ်ႈ တေဢဝ် ဢၼ်ပႃးတီႈၼွၼ်းၼႄႇ ဢမ်ႇၼၼ် တင်ႇၼင်ႈ ဢၼ်ၵႃႈၶၼ်တိူဝ်းထုၵ်ႇလိူဝ် (US$12)။ ပေႃးထိုင်ၵၢင်ၶမ်ႈမႃး မၼ်းတေၵတ်းသေ မိုၵ်းယမ်းမႃးလႄႈ ၸဝ်ႈၵဝ်ႇ တေလူဝ်ႇ ထူင်သိူဝ်ႇသုပ်းၼွၼ်းယဝ်ႉ။

တီႈ ၵၢတ်ႇသႃ ၼၼ်ႉ မီးႁိူဝ်းဢၼ်ၽႂ်း ဢၼ်တေႃႉ ၵူၼ်းၼွၵ်ႈမိူင်းသူင်ႇ၊ ၵႃႈၶၼ် တႃႈၵူၼ်းၼႂ်းမိူင်းတႄႉ ပဵၼ် 8,000 ၵျၢပ်ႈ သေ တွၼ်ႈတႃႇ ၵူၼ်းၼွၵ်ႈမိူင်းတႄႉ လႆႈပၼ် 16,000 ၵျၢပ်ႈယဝ်ႉ။ ႁိူဝ်းၵႂႃႇၽႂ်းၼႆႉ ဢဝ်ၶၢဝ်းယၢမ်း 7-9 မူင်းယဝ်ႉ။

ၵႂႃႇၸွမ်း ႁိူဝ်းမိၼ်

သၢႆၵၢၼ်မိၼ် ဢၼ်လုၵ်ႉတီႈ တႃႈလိူဝ်ႇ ဢမ်ႇၼၼ် တႃႈၵုင်ႈ သေ ၵႂႃႇတီႈ မၢၼ်ႈမေႃႇၼႆႉ မီးဝႆႉယူႇၵမ်ႈၽွင်ႈ။ ဢၼ်လုၵ်ႉတီႈ ၸႄႈၼႃး သေၵႂႃႇတႄႉ ၼိုင်ႈဝူင်းၵူၺ်းမီးၼိုင်ႈပွၵ်ႈ၊ ပဵၼ်သၢႆၵၢၼ်မိၼ် မျၢၼ်ႇမႃႇသေ ဢွၵ်ႇ ဝၼ်းသဝ် 13:00 မူင်းယဝ်ႉ။ ၶၢဝ်းတၢင်းမိၼ်ၼႆႉ ၵူၺ်းမီး 25 တႃသေ ၵႃႈၶၼ် မိူဝ်ႈပီ 2018 ၾႅပ်ႇဝႃႇရီႇၼၼ်ႉ ပႃးတင်းၵႃႈၶွၼ်ႇ ၵႃႈဢေးၵျႅၼ်ႉသေ တူၵ်းၸူဝ်ႈ US$86ယဝ်ႉ။ လုၵ်ႉတီႈ တႃႈႁိူဝ်းမိၼ် ၵႂႃႇတီႈၼႂ်းဝဵင်းတႄႉ ၶီႇတုၵ်ႉတုၵ်ႉၵႂႃႇသေ ယွၼ်ႉမၼ်းမီးၸမ်ၸမ်ၵူၺ်းလႄႈ ၼိုင်ႈၵေႃႉတႄႉ တေလႆႈပၼ်ယူႇ 2,000 ၵျၢပ်ႈ။

ၸွၼ်ႇ

မၢၼ်ႈမေႃႇၼႆႉၵေႃႈ ယွၼ်ႉမၼ်းဢမ်ႇၸႂ်ႈ ဝဵင်းယႂ်ႇၵႂၢင်ႈလႄႈ ပႆတိၼ်သေ ဢႅဝ်ႇလႄႇၵေႃႈလႆႈယဝ်ႉ။ ပေႃးဢမ်ႇပႃး ထူင်ႇပိူဝ်ႉၼၵ်းတႄႉၵေႃႈ ပႆႇၵႂႃႇၸူးတႃႈႁိူဝ်းၵေႃႈ ၸမ်ၸမ်ၵူၺ်း (လုၵ်ႉတီႈ ႁူင်းႁႅမ်း Friendship သေပႆၼႆ ၶၢဝ်းတၢင်း 10 တႃ) ပေႃးဢမ်ႇၼၼ် ၶီႇတုၵ်ႉတုၵ်ႉၼႆ ၼိုင်ႈၵေႃႉ တေလႆႈပၼ် 2,000 ၵျၢပ်ႈ။

တူၺ်း

• ၶူဝ်မႆႉမွင် (မီးၽၢႆႇႁွင်ႇ မၢၼ်ႈမေႃႇၵဝ်ႇ ယၢၼ်မွၵ်ႈ 4 km)။ ပေႃးၶၢဝ်းၽူၼ်ယဝ်ႉ ၶူဝ်ၼႆႉ လႆႈၶိုၼ်းႁဵတ်း ၵူႈပီၵူႈပီယဝ်ႉ။ မၼ်းဢဝ်မႆႉမွင်သေ ႁဵတ်းဝႆႉတင်းမူတ်းယဝ်ႉ။ ၽၢႆႇပုၼ်ႉၼမ်ႉၼႆႉ မီးဝဵင်းဢွၼ်ႇဝဵင်းၼိုင်ႈ။ 

သိုဝ်ႉ

တီႈၵၢတ်ႇလူင်ၼႆႉ တေလႆႈႁၼ် ၶူဝ်းၶွင် ဢၼ်ၵူၼ်းၸႂ်ႉၼမ်သေ တေလႆႈႁၼ်ပႃး ၶူဝ်းၶွင်ႇၶႄႇ ၸိူဝ်းဢဝ်တၢင်းမိူင်းၶႄႇ ၶဝ်ႈမႃးၼၼ်ႉယဝ်ႉ။

ဢၼ်ပဵၼ် မႂ်ယႃႈ ဢၼ်ၵႃႈၶၼ်မၼ်းသၢင်ႇထုၵ်ႇလိူဝ် ၸီးၵရႅတ်ႉၼၼ်ႉၵေႃႈ သိုဝ်ႉလႆႈၵႂၢင်ႈၵႂၢင်ႈၶႂၢင်ၶႂၢင်ယဝ်ႉ။

ၸွမ်းလၢၼ်ႉတီႈ ၶၢင်ႈတၢင်းၼၼ်ႉၵေႃႈ ၸၢင်ႈသိုဝ်ႉလႆႈ မိတ်ႈ လႅဝ်း ၸိူဝ်းၼႆႉသေ မၢင်းၸိူဝ်းၵေႃႈ သိုဝ်ႉဢဝ်ပဵၼ်တၢင်းႁၢင်ႈလီ၊ တီႈမၢႆတွင်း၊ မၢင်းၸိူဝ်းၵေႃႉ သိုဝ်ႉၽၢင်ႉဝႆႉ ၵိုၵ်းႁိူၼ်းၵိုၵ်းယေးယဝ်ႉ။

ၼွၼ်း

လွင်ႈလိူၵ်ႈတႃႇ ၽူႈဢွၵ်ႇၶၢဝ်းတၢင်းၶဝ်ၼႆႉ တိုၵ်ႉမီးလွင်ႈမၵ်းၶၢၼ်းဝႆႉ ယွၼ်ႉပိူဝ်ႈ လွင်ႈႁႄႈႁၢမ်ႈ လူင်ပွင်ၸိုင်ႈသေ ပေႃးပဵၼ်ၶႅၵ်ႇၼွၵ်ႈမိူင်းတႄႉ ၵူၼ်းၶႂၢင်းပၼ် ႁႂ်ႈသဝ်းတီႈ ႁူင်းႁႅမ်းၼႂ်းဝဵင်း ၵမ်ႈၽွင်ႈၵူၺ်း။

• 1 ႁူင်းႁႅမ်း ၾရႅၼ်းသျိပ်ႉ (Friendship Hotel) - ☏ +95 7450095 - fax: +95 7450654။ ၶဝ်ႈပႃး တၢင်းၵိၼ်ၵၢင်ၼႂ်။ ၽွင်းမိူဝ်ႈဢွၵ်ႇယၢၼ်တီႈ ႁူင်းႁႅမ်း ၶဝ်တေပၼ် တၢင်းၵိၼ် လႄႈ ၼမ် ဢိၵ်ႇပႃး ႁၢင်ႈၽႅၼ်ႇလိၼ် ပူးၵမ်ႇ လႄႈ တႃႈလိူဝ်ႇ။ တီႈၼွၼ်းၵူႈသွင်ၵေႃႉ၊ ပႃးၶွင်ႉဢၢပ်ႇၼမ်ႉ/US$35။ (ဢၢပ်ႉတဵတ်ႉဝႆႉ မိူဝ်ႈ ဢေႇ 2019)
• 2 ႁူင်းႁႅမ်း ၵရႅၼ်း (Grand Hotel) Post Office Road - ☏ +957450317။ မိူဝ်ႈပီပူၼ်ႉမႃးၼၼ်ႉ ၶဝ်ဢမ်ႇၸၢင်ႈႁပ်ႉ ၶႅၵ်ႇၼွၵ်ႈမိူင်း၊ တႄႇဢဝ် ပီ 2015 ၸၼ်ႇဝႃႇရီႇတႄႉ ၶဝ်ႁပ်ႉၶႅၵ်ႇၼွၵ်ႈမိူင်းယဝ်ႉ။ 
• 3 ႁူင်းႁႅမ်း ပႃႇရႃႇတၢႆႉ (Paradise Hotel) - ☏ +057450136။ ႁူင်းလိုဝ်ႈသဝ်း ပႃႇရႃႇတၢႆႉၼႆႉ ၵဵင်ႈသႂ်ႇ သေ ပဵၼ်ၶွင်ႉမႂ်ႇ ဢၼ်ပႃး ၸၢၵ်ႈၵတ်း။ တၢင်းၵိၼ်ၵၢင်ၼႂ်ၵေႃႈ ၶဝ်ႈပႃး။ တီႈဢိူမ်ႈၵၼ်တင်း ႁူင်းလိုဝ်ႈသဝ်းၼၼ်ႉ မီးဝႆႉ လၢၼ်ႉတၢင်းၵိၼ် ဢၼ်ၸိုဝ်ႈမိူၼ်ၵၼ်။ တၢင်းၵိၼ်ၵၢင်ၼႂ်ၼႆႉ လႆႈၵိၼ်တီႈၼၼ်ႉႈ။ ပေႃးပဵၼ် ၶွင်ႉသွင်ၵေႃႉ US$28 (ပေႃးပဵၼ် ၵူၼ်းၼႂ်းမိူင်း 28,000 ၵျၢပ်ႈ) သေ ပေႃးပဵၼ် ၶွင်ႉၵေႃႉလဵဝ် US$18 (တွၼ်ႈတႃႇ ၵူၼ်းၼႂ်းမိူင်း 18,000 ၵျၢပ်ႈ) တင်းသွင်မဵဝ်းၼၼ်ႉ ပႃးၶွင်ႉၼမ်ႉၸပ်းဝႆႉယဝ်ႉ။။ 

သိုပ်ႇၵႂႃႇထႅင်ႈ

• တႃႈလိူဝ်ႇ
• ၵၢတ်ႇသႃ
• ၸႄႈၼႃး