ၼွင်ၶဵဝ်

ဝဵင်းၼွင်ၶဵဝ် ၼႆႉ ပဵၼ်ဝဵင်းဢၼ်မီးတီႈၼႂ်း မိူင်းတႆး တီႈ မိူင်းမျၢၼ်ႇမႃႇ ၼၼ်ႉယဝ်ႉ။ မီးဝႆႉတီႈၼိူဝ် သဵၼ်ႈတၢင်းလူင် တႃႈလိူဝ်ႇ - လႃႈသဵဝ်ႈ ၼၼ်ႉယဝ်ႉ။ ပဵၼ်ဝဵင်း ဢၼ်မီးတီႈႁိမ်း လႅၼ်ႈလိၼ်ၶႅၼ်ႈၵၼ်တင်း ၸႄႈမိူင်းတႆး လႄႈ ၸႄႈတိူင်းတႃႈလိူဝ်ႇၼၼ်ႉယဝ်ႉ။

ၵႂႃႇၸူး

ၼမ်ႉတူၵ်းတၢတ်ႇ ပၢၼ်ႉပူၺ်းၵျိၼ်း (ၼွင်ၶဵဝ်)

တၢင်းၵႂႃႇၸူး ဝဵင်းၼွင်ၶဵဝ်ၼႆႉ မီးဝႆႉယူႇ သၢမ်သဵၼ်ႈ။ သဵၼ်ႈၼိုင်ႈၼႆႉ လုၵ်ႉတီႈ တႃႈလိူဝ်ႇ လတ်းၶၢမ်ႈ ပၢင်ႇဢူး သေၵႂႃႇၸူး၊ ထႅင်ႈသဵၼ်ႈၼိုင်ႈတႄႉ လုၵ်ႉဢဝ်တီႈ လႃႈသဵဝ်ႈ လတ်းၶၢမ်ႈ သီႇပေႃႉ၊ ၵျွၵ်းမႄး သေၵႂႃႇၸူး၊ ထႅင်ႈသဵၼ်ႈၼိုင်ႈတႄႉ လုၵ်ႉဢဝ်တီႈ တူၼ်ႈတီး မႃးတၢင်း လွၵ်ႉၸွၵ်ႇ သေ ၶၢမ်ႈၼမ်ႉတူႈသေ ၵႂႃႇၸူး ၼႆသေ မီးဝႆႉယူႇတၢင်းသၢမ်သဵၼ်ႈ။ ပေႃးပဵၼ်ၵူၼ်းၼွၵ်ႈမိူင်းတႄႉ ၵမ်ႉၼမ် လုၵ်ႉဢဝ်တီႈ တႃႈလိူဝ်ႇ မႃးယဝ်ႉ။ ဢၼ်ပဵၼ် သဵၼ်ႈတၢင်း ဢၼ်လုၵ်ႉ တူၼ်ႈတီးမႃးၼၼ်ႉတႄႉ ယွၼ်ႉပိူဝ်ႈသၢႆငၢႆသဵၼ်ႈတၢင်းသေ ၶႅၵ်ႇၼွၵ်ႈမိူင်းၶဝ် ဢမ်ႇသူႈပႆတၢင်းသဵၼ်ႈၼၼ်ႉ။ တေႃႈပဵၼ် ၵူၼ်းၼႂ်းမိူင်း ယင်းဢမ်ႇပေႃးၵႆႉပႆသဵၼ်ႈတၢင်းသဵၼ်ႈၼၼ်ႉ။ ၶၢဝ်းတၢင်း ဢၼ်လုၵ်ႉတီႈ တႃႈလိူဝ်ႇ ၵႂႃႇ ၼွင်ၶဵဝ်ၼၼ်ႉ ပွတ်းဢၼ်လုၵ်ႉတီႈ တႃႈလိူဝ်ႇ မႃးထိုင် ပၢင်ႇဢူးၼႆႉ တၢင်းၵႆမီး 74.6 ၵီႇလူဝ်ႇမီႇတႃႇသေ တေႁိုင် ၼိုင်ႈၸူဝ်ႈမူင်း ၶိုင်ႈၼႆႉယဝ်ႉ။ လုၵ်ႉဢဝ် ပၢင်ႇဢူး ၵႂႃႇ ၼွင်ၶဵဝ်ၸမ်ႉ တၢင်းၵႆ မီး 57.1 ၵီႇလူဝ်ႇမီႇတႃႇသေ တေႁိုင် ၼိုင်ႈၸူဝ်ႈမူင်းၼႆႉယဝ်ႉ။ ယွၼ်ႉၼၼ်လႄႈ ပေႃးလုၵ်ႉ တႃႈလိူဝ်ႇ တေႃႇ ၼွင်ၶဵဝ်ၼႆႉ တၢင်းၵႆ မီး 121 ၵီႇလူဝ်ႇမီႇတႃႇသေ တေလႆႈၵႂႃႇမွၵ်ႈ 2 ၸူဝ်ႈမူင်း ၶိုင်ႈ ၼႆႉယဝ်ႉ။

ၵႂႃႇတင်း ရူတ်ႉၵႃး

• 1 တႃႈရူတ်ႉထႅၵ်ႇၸီႇ တေႃႇဝိၼ်ႇၶျူဝ်ႇ (မီးတီႈ ၵၢင်ဝဵင်း၊ မီးႁိမ်းၶၢင်ႈတၢင်း သဵၼ်ႈတၢင်းလူင် တႃႈလိူဝ်ႇ-လႃႈသဵဝ်ႈ) - ☏ +959258513339။ (ဢၢပ်ႉတဵတ်ႉဝႆႉ မိူဝ်ႈ တီႇ 2021)

ၵႂႃႇတင်း ရူတ်ႉလဵၼ်း

• 2 တႃႈရူတ်ႉလဵၼ်း ၼွင်ၶဵဝ် (မီးတီႈ ၽၢႆႇႁွင်ႇဝဵင်း၊ မီးတီႈသုတ်း သဵၼ်ႈတၢင်းပူႇတႃႇ ဢၼ်မႃးသိုပ်ႇသႂ်ႇတီႈ သဵၼ်ႈတၢင်းလူင် တႃႈလိူဝ်ႇ-လႃႈသဵဝ်ႈ။)။ (ဢၢပ်ႉတဵတ်ႉဝႆႉ မိူဝ်ႈ တီႇ 2021)

တႃႈရူတ်ႉလဵၼ်း ၼႆႉ မီးတီႈ ၽၢႆႇႁွင်ႇဝဵင်း သေ မၼ်းမီးၵၢၼ်ၸွႆႈသၢင်ႈ တႃႇၵႂႃႇမႃး တႃႈလိူဝ်ႇ၊ ပၢင်ႇဢူး၊ ၵျွၵ်းမႄး၊ သီႇပေႃႉ လႄႈ လႃႈသဵဝ်ႈ။

သိုဝ်ႉ

• 1 ယေးငိုၼ်း ၵမ်ႇပေႃးၸ (မီးတီႈၵၢင်ဝဵင်း၊ ပူၼ်ႉၽႆးတၢင်း လိူင်ၶဵဝ်လႅင်ၵႂႃႇသေ မီးၽၢႆႇႁွင်ႇ သဵၼ်ႈတၢင်းလူင် တႃႈလိူဝ်ႇ-လႃႈသဵဝ်ႈ)။ (ဢၢပ်ႉတဵတ်ႉဝႆႉ မိူဝ်ႈ တီႇ 2021)
• 2 ယေးငိုၼ်း သီႇပီႇ (မီးတီႈၵၢင်ဝဵင်း၊ တေႃႇၼႃႈၸၢႆႉၵၼ်တင်း ယေးငိုၼ်းၵမ်ႇပေႃးၸ မီးၽၢႆႇၸၢၼ်း သဵၼ်ႈတၢင်းလူင် တႃႈလိူဝ်ႇ-လႃႈသဵဝ်ႈ) - ☏ +958285510။ (ဢၢပ်ႉတဵတ်ႉဝႆႉ မိူဝ်ႈ တီႇ 2021)