ပူးရီးရမ်း

ပူးရီးရမ်း (บุรีรัมย์) ၼႆႉ မၼ်းပဵၼ် ဝဵင်းလူင်ဝဵင်းၼိုင်ႈ ဢၼ်မီးတီႈ ဢီႇသၢၼ်၊ တင်း ၵုင်းထဵပ်ႈသေ ယၢၼ်ၵၼ် 410 ၵီႇလူဝ်ႇမီႇတႃႇယဝ်ႉ။

ပွင်ႇၸႂ်

ပူးရီးရမ်း ၼႆႉ ပိၼ်ႇၽႃႇသႃႇဝႃႈ ဝဵင်းသိူဝ်းၵျေႃႇ ဝႃႈၼႆ။ မၼ်းပဵၼ် ဝဵင်း ဢၼ်မီးတီး ၸဵင်ႇႁွင်ႇဝၼ်းဢွၵ်ႇ မိူင်းထႆး ဢၼ်ၵူၼ်းဢမ်ႇပေႃးသူႈၵႂႃႇဢႅဝ်ႇထိုင်သေ လၢမ်းဝႆႉဝႃႈ မီးႁူဝ်ၼပ်ႉၵူၼ်း မွၵ်ႈ 30,000 ႁိမ်းႁွမ်း။ ပူးရီးရမ်းၼႆႉ မၼ်းသၢင်ႇထုၵ်ႇ တွၼ်ႈတႃႇ တဝ်တူၺ်း ၵျွင်းၽြႃးၶမဵၼ် မိူဝ်ႈၵွၼ်ႇ ဢၼ်ဢဝ် ႁိၼ်သၢႆးသေ ႁဵတ်းဝႆႉ သေ တီႈႁိမ်းႁွမ်းၼၼ်ႉၵေႃႈ ၵျွင်းၽြႃး မၢၵ်ႇမိူဝ်ဝႆႉယူႇ။

တီႈၼၼ်ႈၼႆႉ မီးပႃး ဢွင်ႈတီႈၽဝ်မေႃႈလိၼ် ၼႂ်းၵႃႈ ပီႁူဝ်ပၢၵ်ႇ 10 တေႃႇ 13 သေဢမ်ႇၵႃး မီးပႃး လၵ်းထၢၼ် ၽိင်ႈငႄႈၶမဵၼ်မိူဝ်ႈၵွၼ်ႇ ဢိၵ်ႇတင်း ႁွႆးတိၼ်ႁိၼ်မိူဝ်ႈၵွၼ်ႇ ၸိူဝ်းၼႆႉယဝ်ႉ။ ၶူဝ်းပူၺ်ႈမိူဝ်ႈၵွၼ်ႇ ၶွင် ပူးရီးရမ်းၼႆႉ လႆႈႁၼ်ပႃးၸဵမ် လွင်ႈၵဝ်ႇၵႄႇ လူင်ႈၼႃႈ ဢင်ႇၵေႃးရီးယႅၼ်း ဢၼ်မႃးတီႈ ပၢၼ်တႂႃႇရဝတီႇ ၼၼ်ႉယဝ်ႉ။

ၵႂႃႇၸူး

တင်း ၵႃး

လုၵ်ႉတီႈၵုင်းထဵပ်ႈသေ ၵႂႃႇၸွမ်း သဵၼ်ႈတၢင်းလူင် Hwy 1 (သဵၼ်ႈတၢင်း ၽႁူၼ်ယူဝ်းထိၼ်ႈ) ၸူး သရပူးရီး၊ ယဝ်ႉၵေႃႈ ငွၵ်းၽၢႆႇၶႂႃ ၶိုၼ်ႈၸူးတီႈၼိူဝ် သဵၼ်ႈတၢင်းလူင် Hwy 2 (သဵၼ်ႈတၢင်း မိတရၽၢပ်ႉ)။ ၶိုၼ်းငွၵ်ႈၶႂႃ ၶိုၼ်ႈၸူးတီႈၼိူဝ် သဵၼ်ႈတၢင်းလူင် Hwy 24 (သဵၼ်ႈတၢင်း ၶျူၵ်းၶျႆႇ-တဵတ်ႇဢုတူမ်း) လတ်းၶၢမ်ႈၵႂႃႇ ၼင်ႈရွင်းသေ ၶိုၼ်းငွၵ်းသၢႆႉ ၶိုၼ်ႈၸူး တီႈၼိူဝ်တၢင်းလူင် Hwy 218 သေ ၵႂႃႇၸူး ပူးရီးရမ်း။ တၢင်းၵႆမၼ်းၼႆႉ မီးယူႇ 410 ၵီႇလူဝ်ႇမီႇတႃႇ။ ဢမ်ႇၼၼ်ႉ လုၵ်ႉတီႈ ၵူဝ်ႇရတ်ႉသေ ၵႂႃႇၸွမ်း သဵၼ်ႈတၢင်းလူင် Hwy 226 လတ်းၵႂႃႇ ၶျၵ်ႇၵရတ်ႉႁူၺ်းတလၢင်-လမ်းပလၢႆမတ်ႉ။ တၢင်းၵႆမၼ်းတႄႉ မီး 384 ၵီႇလူဝ်ႇမီႇတႃႇ။

တင်း ပၢတ်ႉ

The Transport Company Ltd. ၼႆႉ ၶဝ်လႅၼ်ႈပၼ် လူတ်ႉပၢတ်ႉသမတႃႇ လႄႈ လူတ်ႉပၢတ်ႉ ပႃးၸၢၵ်ႈလူမ်းၵတ်း ဢၼ်လုၵ်ႉတီႈ ၵုင်းထဵပ်ႈ ၵႂႃႇ ပူးရီးရမ်း။ လူတ်ႉပၢတ်ႉၼႆႉ လုၵ်ႉတီႈ တႃႈလူတ်ႉလဵၼ်း ၵုင်းထဵပ်ႈ (ၸတုၸၵ်ႉ ဢမ်ႇၼၼ် မူဝ်ၶျိတ်ႉ 2) သေ ဢွၵ်ႇယဝ်ႉ။ တွၼ်ႈတႃႇ လွၼ်ႉၶၢဝ်ႇထႅင်ႈတႄႉ ၵပ်းသိုပ်ႇတူၺ်း မၢႆၽူင်း +66 2 9361880, +66 2 9360657, +66 2 9360667, +66 2 9362852။ မၢႆၽူင်းတီႈ တႃႈလူတ်ႉပတ်ႉ တီႈ ပူးရီးရမ်း +66 44 612534, +66 44 651081။

ထႅင်ႈလၢႆးၼိုင်ႈ လႄႈ ပဵၼ် လၢႆးဢၼ်လူမ်ၸႂ် တႃႇဢွၵ်ႇၶၢဝ်းတၢင်းၸူး ပူးရီးရမ်းၼႆႉ ၶီႇလူတ်ႉပၢတ်ႉ ဢႄးၵွၼ်ႇ ၵႃႈတီႈ ႁူင်းၵၢၼ်လူတ်ႉပၢတ်ႉဢႄးၵွၼ်း တီႈ ၼၶွၼ်းၶျႆး။ တႃႈလူတ်ႉၶဝ်တႄႉ မီးတေႃႇၼႃႈ မူဝ်ၶျိတ်ႉ 2 သေ ၶၼ်မၼ်းတႄႉ မီး 340 ဝၢတ်ႇ။

တင်း လူတ်ႉလဵၼ်း

ၽၢႆႇၼႂ်း တႃႈလူတ်ႉလဵၼ်း ပူးရီးရမ်း

မီးဝႆႉလူတ်ႉလဵၼ်းၽႂ်းၽႂ်း၊ ၽႂ်း လႄႈ လူတ်ႉလဵၼ်းသမတႃႇ ဢၼ်လုၵ်ႉတီႈ ၵုင်းထဵပ်ႈ-ဢုပူၼ်းရၢတ်ႉၶျ်ထႃးၼီး၊ ၵုင်းထဵပ်ႈ-သုရိၼ်း လႄႈ ၶူဝ်ရတ်ႉ-ရၢတ်ႉၶျ်ထႃးၼီး၊ တင်းသဵင်ႈၼႆႉ လႅၼ်ႈလတ်းၸူး ပူးရီးရမ်းယဝ်ႉ။ လူတ်ႉလဵၼ်းၸိုင်ႈမိူင်း ၼႆႉ ၶဝ်ႈမီး လွၵ်းသဵၼ်ႈၶၢဝ်းယၢမ်း ဢွၼ်ႇလၢႆး လႄႈ တႃႇသင်ႇမၢႆ မႂ်တိုတ်း၊ ပေႃးၶႂ်ႈ ၵပ်းၽူင်းၸူးၶဝ်တႄႉ 1690, +66 2 2204334, +66 2 2204444။

• တႃႈလူတ်ႉလဵၼ်း ပူးရီးရမ်း (สถานีรถไฟบุรีรัมย์)။ (ဢၢပ်ႉတဵတ်ႉဝႆႉ မိူဝ်ႈ ဢွၵ်ႇ 2021)

တင်း ႁိူဝ်းမိၼ်

Nok Air ၼႆႉ မီးသၢႆၵၢၼ်မိၼ် ဢၼ်လုၵ်ႉတီႈ တႃႈႁိူဝ်းမိၼ် တွၼ်းမိူင်း (DMK) ၵုင်းထဵပ်ႈ ၸူး ပူးရီးရမ်း (BFV) တီႈ ဝၼ်း ပုတ်ႉ၊ ၽတ်း၊ သုၵ်း လႄႈ ၶိုၼ်းပွၵ်ႈမႃး ဝၼ်းၸိူဝ်းၼၼ်ႉၼင်ႇၵဝ်ႇ။ ဢၼ်ပဵၼ် သၢႆၵၢၼ်မိၼ် Thai Airways ၼၼ်ႉတႄႉ ဢမ်ႇမီး ၵၢၼ်မိၼ်ၵမ်းသိုဝ်ႈ ၸူး ပူးရီးရမ်း။ ၵူၼ်းဢႅဝ်ႇလႄႇၶဝ် တေလႆႈၶီႇၵႂႃႇၸူး ၶွၼ်ၵႅၼ်ႇ သေ ၶိုၼ်းသိုပ်ႇၶီႇ လူတ်ႉပၢတ်ႉၵႂႃႇၸူး ပူးရီးရမ်း၊ မွၵ်ႈ 200 ၵီႇလူဝ်ႇမီႇတႃႇ။ တွၼ်ႈတႃႇ ႁူဝ်ယွႆႈမၼ်းတႄႉ ၵပ်းသိုပ်ႇၸူး Thai Airways ၊ တွၼ်ႈတႃႇ ၵပ်းၽူင်းတႄႉ 1566, +66 2 3561111, +66 2 2800060။

• တႃႈႁိူဝ်းမိၼ် ပူးရီးရမ်း (ท่าอากาศยานบุรีรัมย์) မူဝ် 12၊ ရွၼ်းထွင်း (မီးၽၢႆႇႁွင်ႇဝဵင်း မွၵ်ႈ 40 ၵီႇလူဝ်ႇမီႇတႃႇ တီႈ သတိုၵ်ႇ) - ☏ +66 44 680078။ BFV  ^IATA (ဢၢပ်ႉတဵတ်ႉဝႆႉ မိူဝ်ႈ ဢွၵ်ႇ 2021)

ၸွၼ်ႇ

BSS သွင်ထႅဝ် ၸိူဝ်းလႅၼ်ႈပၼ် တီႈ ပူးရီးရမ်း

Buriram Songthaew System (BSS) လူတ်ႉသွင်ထႅဝ် ၸိူဝ်းလႅၼ်ႈ တီႈ ပူးရီးရမ်းၼႆႉ ၶဝ်ၵမ်ႉထႅမ်ပၼ် ၵၢၼ်တေႃႉသူင်ႇ တွၼ်ႈတႃႇ ဝဵင်းယဝ်ႉ။ တီႈၼၼ်ႈၼႆႉ တေမီး သွင်သၢႆ၊ သၢႆ 1 ၼိုင်ႈ (ၵၢတ်ႇဝဵင်းမူၼ်းၵူၼ်းၵိုၼ်း ပူးရီးရမ်း-သူၼ်ပႃႇထိူင်ႇၶဝ်ႈၵရတူင်ႈ) လႄႈ သၢႆ 2 (သၢႆပၢၼ်းပူဝ်း)။ တင်းသွင်သၢႆၼႆႉ ပဵၼ် သီၶွင်ႇ။ ပေႃးၶႂ်ႈလုၵ်ႉတီႈ Grab သေ သင်ႇႁွင်ႉၵေႃႈ မီးတွၼ်ႈတႃႇ ၸဵမ် ၵႃး ၸဵမ် လူတ်ႉၶိူင်ႈယဝ်ႉ။

တူၺ်း

• 1 ဢွင်ႈတီႈ ၽီးၽႆး မိူဝ်ႈၵွၼ်ႇ (แหล่งเตาโบราณ)။ ၽီးၽႆးၸိူဝ်းၼႆႉ တႄႇမႃး မိူဝ်ႈ ပီႁူဝ်ပၢၵ်ႇ 9-10 ၼၼ်ႉသေ မၼ်းပဵၼ် ဢွင်ႈတီႈဢၼ်ႁဵတ်းဢွၵ်ႇ ၶိူင်ႈၶူဝ်းမေႈ ၶမဵၼ် ဢၼ်သူင်ႇပၼ်ၸူး ဝဵင်းတၢင်ႇၸိူဝ်းၼၼ်ႉယဝ်ႉ။ 
• 2 ႁုၼ်ႇႁၢင်ႈလူင်ပုတ်ႉထ (พระพุทธรูปใหญ่) (တေႃႇၼႃႈၵၼ်တင်း လုမ်းၸႄႈတွၼ်ႈသတိုၵ်ႇ)။ ဢမ်ႇၼၼ် ၽရၽုတ်ႉတရုပ်ႉ ပတိမ သၼ်တယႃထိရူမ် သတိုၵ်ႇ ဢုတူမ်း ရတ်ႉသတႃတူၼ်း ၼိမိတ်ႉမၼီ ၼႆႉ မၼ်းပဵၼ် ႁုၼ်ႇႁၢင်ႈလူင် ပုတ်ႉထ ဢၼ်ၸုၵ်းဝႆႉ ဢၼ်မီးတီႈ ၽင်ႇမႄႈၼမ်ႉမုၼ် ၼၼ်ႉယဝ်ႉ။ 
• 3 သူၼ်ၼူၵ်ႉ ပူးရီးရမ်း လႄႈ ဢၢင်ႇၵႅတ်ႇၼမ်ႉ ႁူၺ်ႈတလၢတ်ႇ (อ่างเก็บน้ำห้วยตลาดและสวนนกบุรีรัมย์)။ ၽွင်းၶၢဝ်းႁႅင်ႈ ၼူဝ်ႇဝႅမ်ႇပႃႇ-ဢေႇပရႄႇ ၼႆ ၸိူဝ်ႉၼူၵ်ႉ ၼမ်လိူဝ် 100 ပၢႆၼႆႉ ယူႇသဝ်းတီႈၼႂ်း ဢေႇရိယႃႇၼႆႉ။ 
• 4 သူၼ်ပႃႇထိူၼ်ႇ ၶဝ်ၵရတူင်ႈ (วนอุทยานเขากระโดง)။ ပဵၼ်လွႆၽႆး ဢၼ်ဝၢႆးၵႂႃႇသေ ယၢမ်းလဵဝ်တႄႉ ပဵၼ်ဢွင်ႈတီႈ လိုဝ်ႈႁိူဝ်ႉလိုဝ်ႈၸႂ်ယဝ်ႉ။ ၸိၵ်းလွႆၼႆႉ မီးတီႈၼိူဝ် တၢင်းသုင်ၼႃႈပၢင်ႇလၢႆႇ 265 မီႇတႃႇသေ မၼ်းပဵၼ် ဢွင်ႈတီႈ ဢၼ်ပဵၼ် ႁုၼ်ႇႁၢင်ႈလူင် ပုတ်ႉထ "ၽရသုၽထၢၼ်ၽူဝ်" ဢၼ်ပဵၼ် ႁၢင်ႈၵိုၵ်း ပူးရီးရမ်းၼၼ်ႉယဝ်ႉ။ 
• 5 ဢၢင်ႇၵႅတ်ႇၼမ်ႉ ၵရတူင်ႈ อ่างเก็บน้ำกระโดง။ တီႈတၢင်းၶဝ်ႈၸူး ၶဝ်ၵရတူင်ႈၼၼ်ႉ တီႈၽၢႆႇသၢႆႉ မီးဝႆႉတၢင်းၽႄ ဢၼ်ၵႂႃႇၸူး ပုၼ်ယၼုသၢတ်ႇ ပၢင်သဝ်းလုၵ်ႈႁဵၼ်း လႄႈ သူၼ်သတ်း။ 
• 6 ၵူႇသူၼ်တႅင် (กู่สวนแตง)။ ဢွင်ႈတီႈႁွႆးမိုဝ်းၵေႃႇသၢင်ႈ ၶမဵၼ်ႇ၊ မီးႁၢင်ႈၵျွင်းယွတ်ႈဢုတ်ႇ သၢမ်ဢၼ် ဢၼ်ႁဵတ်းဝႆႉတီႈၼိူဝ် မၢၵ်ႇႁိၼ်၊ တႄႇဝႆႉ ၼႃႇႁွင်ႇၸူး ၼႃႈၸၢၼ်း။ 
• 7 ၽၢႆလမ်ၼင်ရွင်ႈ (เขื่อนลำนางรอง)။ ပဵၼ်ၵၢၼ်ပရေႃးၵျႅတ်ႉႁၢင်ႈႁေႃ၊ ၽၢႆလမ်ၼင်ရွင်ႈ ၼႆႉ မၼ်းပဵၼ် ၽၢႆလိၼ် ဢၼ်မီးပႃး တၢင်းယၢင် လႄႈ တီႈမုင်ႈသႃႇႁၼ်ၵႂၢင်ႈ။ 
• 8 သႅၼ်ႇထႃႇ ၵၢၼ်ၽုၵ်ႇသွမ်ႈ ၸဵင်ႇႁွင်ႇဝၼ်းဢွၵ်ႇ တွၼ်ႈတႂ်ႈ (ศูนย์วัฒนธรรมอีสานใต้)။ မၼ်းပဵၼ် ဢွင်ႈတီႈ ဢၼ်ၵဵပ်းႁွမ်တွမ်ဝႆႉ လႄႈ တီႈၼႄ ၶူဝ်းၶွင်မိူင်ႈၵွၼ်ႇ ဢိၵ်ႇတင်း ၶူဝ်းၶွင်ၵိုၵ်းပိုၼ်း၊ ပၢႆးမွၼ်းၽိင်ႈထုင်း လႄႈ လွင်ႈလဵပ်ႈႁဵၼ်း ၶူဝ်းၶွင်မိူဝ်ႈၵွၼ်ႇ ၸိူဝ်းၼႆႉယဝ်ႉ။ မၼ်းပဵၼ်ပႃး ဢွင်ႈတီႈ ငဝ်ႈငႃႇ တွၼ်ႈတႃႇ ၵၢၼ်ၶူၼ်ႉၶႂႃႉ ယဝ်ႉ။ 
• 9 ဢွင်ႈတီႈမၢႆတွင်း ၶုၼ်ႁေႃၶမ်းရႃႇမ 1 (พระบรมราชานุสาวรีย์พระบาทสมเด็จพระพุทธยอดฟ้าจุฬาโลก)။ ဢွင်ႈတီႈမၢႆတွင်း ၼႆႉ လႆႈသၢင်ႈမႃး မိူဝ်ႈပီ 1996 တွၼ်ႈတႃႇ ဢဝ်ၵုင်ႇဢဝ်မုၼ် ၶုၼ်ႁေႃၶမ်း ရႃႇမ 1 ၵေႃႉဢၼ်တႄႇတင်ႈ ပူးရီးရမ်း မႃးၼၼ်ႉ။ 
• 10 ႁေႃတပ်ႉ (ပရသၢတ်ႇ) ၼွင်ႁူင် (ปราสาทหนองหงส์)။ ပဵၼ်ဢွင်ႈတီႈဢွၼ်ႇ မိူဝ်ႈၵွၼ်ႇ ဢၼ်ၶဝ်ႈပႃး ယူင်ႉသၢင်ႈဢုတ်ႇ သၢမ်ဢၼ် ဢၼ်ႁဵတ်းဝႆႉတီႈၼိူဝ်ပိုၼ်ႉႁိၼ်။ 
• 11 ႁေႃတပ်ႉ (ပရသၢတ်ႇ) ဝတ်ႉၶူၵ်ႉငိဝ် (ปราสาทวัดโคกงิ้ว)။ ပဵၼ်တိူၵ်ႈလိၵ်ႈႁိၼ်ၶမဵၼ်ႇဢၼ်ၼိုင်ႈ ဢၼ်မီးတီႈ ၽၢႆႇလင် ဝတ်ႉၶူၵ်ႉငိဝ် သေ မၼ်းလႆႈပဵၼ်မႃး "ဢရူဝ်ၵယသႃလႃး" ဢွမ်ႇၼၼ် ႁူင်းယႃ။ 
• 12 ၽြႃးၸဝ်ႈယႂ်ႇ ဝတ်ႉႁူင် (พระเจ้าใหญ่วัดหงษ์)။ ႁုၼ်ႇႁၢင်ႈပုတ်ႉထ ဢၼ်ပဵၼ် သတၢႆႇလၢဝ်းမိူဝ်ႈၵွၼ်ႇ ဢၼ်ပဵၼ်ႁၢင်ႈၽၢင် ဢွင်ႇၶုၼ်သူင်၊ ဢၼ်လႆႈသၢင်ႈမႃး ၶၢဝ်းလင် ဢယုတ်ႉထယႃး ဢမ်ႇၼၼ် မွၵ်ႈႁိမ်းႁွမ်း ပီႁူဝ်ပၢၵ်ႇ 18။ 
• 13 ႁုၼ်ႇႁၢင်ႈမၢႆတွင်း ရဝ်သု (อนุสาวรีย์เราสู้)။ ၵေႃႇသၢင်ႈမႃး မိူဝ်ႈ 1979၊ တွၼ်ႈတႃႇယုၵ်ႉယွင်ႈဢဝ်ၵုင်ဢဝ်မုၼ် ၸိူဝ်းပဵၼ် ၵူၼ်းမိူင်း၊ ပလိၵ်ႈ၊ ၵူၼ်းသိုၵ်း ၸိူဝ်းဢၼ်လႆႈၸုၼ်ႉသၢႆၸႂ်ၶဝ်ႈပၢင်တိုၵ်း ဢၼ်လႆႈတိုၵ်းၵၼ်တင်း ၶွၼ်ႇမိဝ်ႇၼိတ်ႉ ၸိူဝ်းဢၼ်ႁႄႉႁၢမ်ႈ လွင်ႈၵေႃႇသဵၼ်ႈသဵၼ်ႈတၢင်းလမ်ႇလွင်ႈၼႆႉ။ 
• 14 မူႇဝၢၼ်ႈတေႃးၽႃႈမႆ ၼႃးၽူဝ် (หมู่บ้านทอผ้าไหมอำเภอนาพธิ์)။ ပဵၼ်ဝၢၼ်ႈတေႃးၽႃႈမႆ၊ မၼ်းၸိုဝ်ႈလိုဝ်းလင် ၸွမ်း ၽႃႈၽေး "မုတ်ႉမီ" ဢၼ်လႆႈလွင်ႈၵမ်ႉထႅမ် လွင်ႈလႅၼ်ႇ၊ ၸၼ်ႉႁဵတ်းဢွၵ်ႇလႆ၊ ပိူင်၊ သီ ၵႃႈတီႈ Royal Folk Arts and Craft Center ဢၼ်မီးတႂ်ႈမိုဝ်း ၼၢင်ႈႁေႃၶမ်း သီရိၵိတ်ႉ ၼၼ်ႉယဝ်ႉ။ 
• 15 လႅင်ႁိၼ်တတ်း (แหล่งหินตัด)။ လႅင်ႁိၼ်ၼႆႉ မၼ်းလႆႈပဵၼ်မႃးဢွင်ႈတီႈဢၼ် ၵူၼ်းၶမဵၼ်မိူဝ်ႈၵွၼ်ႇၶဝ် ဢဝ်မၢၵ်ႇႁိၼ် တႃႇၵေႃႇသၢင်ႈ ယူင်ႉသၢင်ႈယူႇသဝ်း တီႈ တူင်ႇလိၼ် ၸဵင်ႇႁွင်ႇဝၼ်းဢွၵ်ႇ တွၼ်ႈတႂ်ႈၼၼ်ႉယဝ်ႉ။ 
• 16 ဢၢင်ႇၵႅတ်ႇၼမ်ႉ ထုင်းလႅမ် (อ่างเก็บน้ำทุ่งแหลม)။ ဢၢင်ႇၵႅတ်ႇၼမ်ႉဢွၼ်ႇ ဢၼ်လႅၵ်ႈလၢႆႈဝႆႉပဵၼ် ဢွင်ႈတီႈလိုဝ်ႈသဝ်း ဢၼ်မီးပႃးတီႈလိုဝ်ႈ ဢၼ်ပႃးသုမ်ႉဢၼ်မုင်းဝႆႉ။ ၽွင်းၶၢဝ်းႁႅင်ႈၼႆ တီႈၼႆႈၼႆႉ တေၸၢင်ႈႁၢင် ၼူၵ်ႉၼမ်ႉ လၢႆလၢႆမဵဝ်းယူႇ။ 
• 17 ဝတ်ႉၶဝ်ဢင်ႈၶၢၼ် (วัดเขาอังคาร)။ တီႈၼႂ်းဝၢင်းၵျွင်းၽြႃးၼၼ်ႉ မီးဝႆႉ ဢွင်ႈတီႈမၢႆတွင်းဢၼ်ၵဝ်ႇၵႄႇ လႄႈ မီးပႃးလၵ်းသဝ်ႁိၼ်မၢႆလႅၼ်လိၼ် ၶွင် မိူဝ်ႈပၢၼ် တႂႃႇရဝတီႇ။ မၼ်းၵေႃႈၶဝ်ႈပဵၼ်ပႃး ၵျွင်းၽြႃးဢၼ်ႁၢင်ႈလီ ဢၼ်ၶိုၵ်ႉၶမ်ႇဢၼ်ၼိုင်ႈ တီႈ ပူးရီးရမ်း။ 

ႁဵတ်း

သဵၼ်ႈတၢင်း ရူမ်းပူးရီး၊ ပဵၼ်သဵၼ်ႈတၢင်း ပႆလဵၼ်ႈ တၢမ်းၶမ်ႈ

• 1 Buriram United (မၢၵ်ႇၼင်ႇ ပရီးမီးယႃးလိၵ်ႉ ထႆး)။ Sa-Su, 17:00-18:00။ ပူးရီးရမ်းၼႆႉ ၵူၼ်းႁူႉၼမ်လူၺ်ႈ ၸုမ်းပိတ်ႉမၢၵ်ႇၼင်ၼႂ်းမိူင်း ဢၼ်ၸိုဝ်ႈလိုဝ်းလင်ၼၼ်ႉယဝ်ႉ။ ၶဝ်လဵၼ်ႈတီႈ ပၢင်ႇလဵၼ်ႈမႂ်ႇ I-Mobile ၼၼ်ႉယဝ်ႉ။ 120 ဝၢတ်ႇ။ 
• သရူဝ်ႇၵရၢဝ်း (သဵၼ်ႈတၢင်း ပႆတၢင်း) (ၸွမ်းၶၢင်တၢင်း ရူမ်းပူးရီး တႄႇဢဝ်ႇ ၸီႇရႃႇ တေႃႇ သဵၼ်ႈတၢင်းၽိတၵ်း)။ သဵၼ်ႈတၢင်းတႃႇပႆတၢင်းလဵၼ်ႈၼႆႉ မၼ်းပဵၼ် တီႈၸၼ်ၸႂ်လိုဝ်းလင် တွၼ်ႈတႃႇ ႁူဝ်ၶမ်ႈ ဝၼ်းသဝ် လႄႈ ဝၼ်းဢႃးတိတ်ႉ ၼၼ်ႉယဝ်ႉ။ ပၢႆႉ တီႈတၢင်း ၸီႇရႃႇ လႄႈ တၢင်းရူမ်းပူးရီး ၼၼ်ႉ မၼ်းမီးတီႈပွင်ႇဝႃႈ ပဵၼ် သဵၼ်ႈတၢင်း ပႆတၢင်း ၼႆသေတေႃႉ ၵူၼ်းပိုၼ်ႉတီႈၶဝ် ႁူႉၸွမ်းၼမ်တႄႉဝႃႈ ပဵၼ် "သရူဝ်ႇၵရၢဝ်း" ဢမ်ႇၼၼ် "ၵၢတ်ႇမႄႈၼမ်ႉ" ၼႆယဝ်ႉ၊ ၼၼ်ႉၵေႃႈ ယွၼ်ႉပိူဝ်ႈ မၼ်းမီးဝႆႉတီႈႁိမ်း ၽင်ႇၶူးဝဵင်းၼၼ်ႉယဝ်ႉ။ ၵၢတ်ႇၼၼ်ႉၵေႃႈ မီးဝႆႉ လၢၼ်ႉဢွၼ်ႇႁူဝ်ပၢၵ်ႇမၼ်း လွမ်ႉႁွပ်ႈဝႆႉသေ တီႈလၢၼ်ႉဢွၼ်ႇၸိူဝ်းၼၼ်ႉ ၶၢႆ ၶူဝ်း၊ ၶႅပ်းတိၼ်၊ ၶူဝ်းတိုဝ်းၶူဝ်းႁွႆႈ ဢၼ်ၵႃႈၶၼ်ဢမ်ႇပေႃးယႂ်ႇ လႄႈ ၵႅဝ်ႈတႃ ၸိူဝ်းၼႆႉယဝ်ႉ။ ၼႂ်းၵႃႈလၢၼ်ႉဢွၼ်ႇၸိူဝ်းၼၼ်ႉ ၶႂ်ႈဝႃႈ တႃႇၶိုင်ႈၼိုင်ႈၼႆႉ ပဵၼ် လၢၼ်ႉၶၢႆတၢင်းၵိၼ်ထႆး ဢၼ်ၸွၵ်းၵႂႃႇ ႁေႃႇၵႂႃႇၼၼ်ႉယဝ်ႉ။ တီႈသဵၼ်ႈတၢင်းပႆၼၼ်ႉ တႄႇဢဝ် ၶၢဝ်း 17:00–24:00 ၼၼ်ႉ ဢိုတ်းႁၢမ်ႈဝႆႉ ဢမ်ႇပၼ်လူတ်ႉလတ်းၵႂႃႇလတ်းမႃး။ တီႈၵိုတ်းလူတ်ႉတႄႉၵေႃႈ ဝႆႉပၼ်တီႈ သူၼ်မွၵ်ႇၵၢင်လၢႆ ဝဵင်းမူၼ်းၵူၼ်းၵိုၼ်းၼၼ်ႉယဝ်ႉ။ သဵၼ်ႈတၢင်းၼၼ်ႉ လႆႈတႄႇႁဵတ်းမႃး မိူဝ်ႈ ပီ 2014 ၸူႇလၢႆႇ 5 ဝၼ်းၼၼ်ႉယဝ်ႉ။ (ဢၢပ်ႉတဵတ်ႉဝႆႉ မိူဝ်ႈ ဢွၵ်ႇ 2022)
• 2 ပၢင်ပွႆး မူးၸႃး ၸၢၵ်ႈၽႃႇတိၼ် ၽြႃးပဵၼ်ၸဝ်ႈ (งานนมัสการรอยพระพุทธบาทจำลอง)။ ပၢင်ပွႆးဢၼ်ၼႆႉ ႁဵတ်းသၢင်ႈ တီႈ ၶဝ်ၵရတူင်၊ ၸႄႈတွၼ်ႈမိူင်း၊ တီႈဝၼ်းလိူၼ်မူၼ်း လိူၼ်ထူၼ်ႈသၢမ် ၼၼ်ႉယဝ်ႉ။ ၵူၼ်းပိုၼ်ႉတီႈၶဝ် ၵႂႃႇဢႅဝ်ႇလႄႇ တီႈ ၶဝ်ၵရတူင် တႃႇၵႂႃႇ ဝႆႈသႃမူးၸႃး ၸၢၵ်ႈၽႃႇတိၼ် ၽြႃးပဵၼ်ၸဝ်ႈ လႄႈ ႁုၼ်ႁၢင်ႈ ၽရသုၽတ်ႉထရၽူဝ် သေၵေႃႈ ဢွၼ်ၵၼ် မူၼ်ႈၵျေႃႇၸွမ်း ပၢင်ပွႆးလူင်ၼၼ်ႉယဝ်ႉ။ (ဢၢပ်ႉတဵတ်ႉဝႆႉ မိူဝ်ႈ ဢွၵ်ႇ 2022)

သိုဝ်ႉ

ထဝီၵိတ်ႇ ပလႃႇၸႃႇ

တီႈပူးရီးရမ်းၼႆႉ မီး ၵၢတ်ႇသိုဝ်ႉၶွင် တင်းၼမ်၊ မိူၼ်ၼင်ႇ Big C, Makro, Home Pro, Tesco Lotus လႄႈ ထဝီၵိတ်ႇ ဢၼ်ပဵၼ် ၵၢတ်ႇသိုဝ်ႉၶွင် ႁင်း ၸႄႈမိူင်းပူးရီးရမ်းၼၼ်ႉယဝ်ႉ။

ၵိၼ်

• 1 လၢၼ်ႉတၢင်းၵိၼ် ပၢၼ်းၶျၢႆၼမ်ႉ (ร้านอาหารบ้านชายน้ำ) 456 သဵၼ်ႈတၢင်းလဵင်မိူင်း (ပေႃးလုၵ်ႉတီႈ ဢမ်ႇမရီႇၵႂႃႇ 10 မိတ်ႉၼိတ်ႉ။ လူင်းလွႆၵႂႃႇသေ ပူၼ်ႉ လၢၼ်ႉ တူၵႃတီႇ၊ ႁူးဢွၵ်ႇ ထူၼ်ႈ 3 တီႈ တူင်ႇမူင်း၊ လတ်းၶၢမ်ႈ ၽႆးၸရႃးၸွၼ်ႇ တီႈ တၢင်းႁူပ်ႉ ၼၼ်ႉသေ မိူဝ်ႈပႆႇထိုင် ႁူင်းႁႅမ်းႁၢမ်းၼၼ်ႉ မီးဝႆႉ ပၢႆႉတွၼ်ႈတႃႇ လၢၼ်ႉတၢင်းၵိၼ်ယူႇ) - ☏ +66 44 620 713။ ၶိုၵ်ႉၶႅမ်ႉ။ ၸိုဝ်ႈလိုဝ်းလင်ၼႃႇ၊ မီးပႃး ပၢင်ႁွင်ႉၵႂၢင်းၼႄ၊ ၼင်ႈၽၢႆႇၼႂ်း ဢမ်ႇၼၼ် ၼင်ႈတီႈၽၢႆႇၼွၵ်ႈ တီႈႁိမ်း မူၵ်ႇၼမ်ႉပုၼ်း ၼၼ်ႉ။ (ဢၢပ်ႉတဵတ်ႉဝႆႉ မိူဝ်ႈ ဢွၵ်ႇ 2022)

• 2 ပႅမ်းပူးပႃး (แบมบูบาร์) 14 13 ရူမ်းပူးရီး၊ ၼႂ်းမိူင်း၊ ၸႄႈတွၼ်ႈ မိူင်းရမ်းပူးရီး - ☏ +6644625577။ ပႅမ်းပူးပႃးၼႆႉ ပဵၼ်လၢၼ်ႉၵိၼ်ယႅမ်ႉဢိုၵ်ႉဢွၵ်ႉ ဢၼ်ဢဝ် မႆႉမွင်သေ ႁၢင်ႈၶိူင်ႈဝႆႉၼၼ်ႉယဝ်ႉ။ တီႈၼၼ်ႈၼႆႉ တေၸၢင်ႈ ၵိၼ်လႆႈ တၢင်းၵိၼ်ထႆး၊ တၢင်းၵိၼ် မိူင်းဝၼ်းတူၵ်းသေၵေႃႈ ၵူၼ်းထွင်ႈတဵဝ်းၶဝ် ဢွၼ်ၵၼ် မႃးၼင်ႈမႃးၵိၼ်ယူႇ တင်းၼမ်ယဝ်ႉ။ တီႈၼႃႈလၢၼ်ႉမၼ်း မီးဝႆႉၵေႃမႆႉမွင် လဵၵ်ႉလဵၵ်ႉဢွၼ်ႇၵေႃႈၼိုင်ႈသေ ပၢႆႉမၼ်း သီၶဵဝ် ဢၼ်တူဝ်လိၵ်ႈသီလႅင် တႅမ်ႈဝႆႉယဝ်ႉ။. (ဢၢပ်ႉတဵတ်ႉဝႆႉ မိူဝ်ႈ ဢွၵ်ႇ 2022)

ဢွၵ်ႉ

• The Square (သဵၼ်ႈတၢင်း ရူမ်းပူးရီး)။ မီး တီႈႁွင်ႉ ၶႃႇရႃႇဢူဝ်ႇၶေႇ၊ လၢၼ်ႉတၢင်းၵိၼ် လႄႈ ၼၢႆႉၵလၢပ်ႉ Speed1 ဢၼ်မီး လၢႆႉၾ်သျူဝ်း လႄႈ တွႆႇတိုင်ႈ တီႇၸေႇ ၽဵင်းထႆး လႄႈ ၽဵင်းဝၼ်းတူၵ်း၊ ၶႂ်ႈဝႃႈ မီးၵူႈၶမ်ႈ။ 

ၼွၼ်း

• 1 ႁူင်းႁႅမ်းပူးရီးရမ်း ရႂၢႆႇယႄႇ ပႅတ်ႉဝႅတ်ႉသတၼ်း 332/22-23 သဵၼ်ႈတၢင်း ၸီႇရႃႇ (Off Hwy 218) - ☏ +66 44 666 600။ ႁွင်ႈၼွၼ်း မီး 79 ႁွင်ႈ။ တၢင်းၵိၼ်ၵၢင်ၼႂ် ပဵၼ် ပူႇၽဵတ်ႈ ၶိုၵ်ႉၶႅမ်ႉ။ ၶဝ်ႈပႃး ၼွင်လုၺ်းၼမ်ႉ။ ဝၢႆႇၾၢႆႇ ၵေႃႉ ဢူဝ်ႇၶေႇယူႇ။ 1,450+။ (ဢၢပ်ႉတဵတ်ႉဝႆႉ မိူဝ်ႈ ဢွၵ်ႇ 2022)

• 2 ႁူင်းႁႅမ်း ၸိၼ်ႇတၼႃ ရီသွတ်ႉ (โรงแรมจินตนารีสอร์ท (บุรีรัมย์)) 416 မူဝ် 8 (လုၵ်ႉတီႈ တႃႈလူတ်ႉပၢတ်ႉသ် ပူးရီးရမ်းသေ ယၢၼ် 400 မီႇတႃႇ) - ☏ +66 44 620150 - ✉ shearer75@hotmail.com။ 44 ႁွင်ႈ (မဵဝ်းႁွင်ႈ မီး 5 မဵဝ်း)၊ တီႈၼႂ်းႁွင်ႈ ၸႂ်ႉလႆႈ ဝၢႆႇၾၢႆႇၾရီး၊ မီးပႃး ဢွင်ႈတီႈ ၵၢင်ပၢင်ႇ ဢၼ်ၶဵဝ်လီ။ 450-2,200 ဝၢတ်ႇ။ 

• 3 ႁူင်းလႅမ်း ပူႇထီး ၽၼူမ်ႇရူမ်းပူးရီး (Phanomrungpuri Boutique Hotel) 212 သဵၼ်ႈတၢင်း ပရၸၼ်တၶဵတ်ႇ ၸႄႈတွၼ်ႈၼၢင်းရွင်ႊ (လုၵ်ႉတီႈ တႃႈရူတ်ႉပၢတ်ႉသ် ပူးရီးရမ်းသေ ယၢၼ် 1 ၵလ) - ☏ +66 44 632222 - fax: +66 44 633800 - ✉ info@phanomrungpuri.co.th။ Check-in: 12.00 - check-out: 12.00။ မီးႁွင်ႈၼွၼ်း 67 ႁွင်ႈ (မဵဝ်းႁွင်ႈ မီး 5 မဵဝ်း = ႁွင်ႈ သူႇၽီးရီးယႃး၊ ႁွင်ႈမုင်ႉႁိူၼ်း၊ ႁွင်ႈတီးလၢသ်ႉ၊ ႁွင်ႈမုင်ႉႁိူၼ်းတူးပလႅသ်ႉ လႄႈ ႁွင်ႈ ၵရႅၼ်း တူးပလႅသ်ႉသုတ်ႉ)၊ တီႈၼႂ်းႁွင်ႈၼွၼ်း ၸႂ်ႉလႆႈ ဝၢႆႇၾၢႆႇၾရီး၊ ပႃးၼွင်လုၺ်းၼမ်ႉ၊ လၢၼ်ႉၵိၼ်ယႅမ်ႉ ပႃႇရၢႆႇ။ 1,300 - 4,500 ဝၢတ်ႇ။ 

• 4 ႁူင်းႁႅမ်း ရေး ပူးရီးရမ်း 515 မူဝ် 8 တမ်းပူၼ်းဢီႇသၢၼ်ႇ၊ ၸႄႈတွၼ်ႈမိူင်းပူးရီးရမ်း (လုၵ်ႉတီႈ တႃႈရူတ်ႉပၢတ်ႉသ် ပူးရီးရမ်းသေ ယၢၼ် 400 မ ၊ လုၵ်ႉတီႈ ပၢင်ႇလဵၼ်ႈမၢၵ်ႇၼင် ပၢင်ႇၶႄႉၶဵင်ႇရူတ်ႉ ၶျၼ်း ၵူႈၸိုင်ႈမိူင်း လႄႈ I-Mboile သေ ယၢၼ် 3.5 ၵလ) - ☏ +66 44 620767 - ✉ ray-hotel@hotmail.com။ မီးႁွင်ႈၼွၼ်း 44 ႁွင်ႈ၊ မီးၼွင်လုၺ်းၼမ်ႉတင်းၼွၵ်ႈ ဢၼ်ပဵၼ် ၼမ်ႉပၢင်ႇလၢႆႇ၊ မီးႁွင်ႈလဵၼ်ႈႁႅင်း၊ မီးႁွင်ႈပၢင်ၵုမ်၊ ၶဝ်ႈပႃးတၢင်းၵိၼ်ၵၢင်ၼႂ်၊ ၸႂ်ႉလႆႈဝၢႆႇၾၢႆႇၾရီး။ 890-1,490 ဝၢတ်ႇ။ (ဢၢပ်ႉတဵတ်ႉဝႆႉ မိူဝ်ႈ ဢွၵ်ႇ 2022)

• 5 ႁူင်းႁႅမ်း သီႇရိပွၼ်း (S1 City Hotel) 1/141 သဵၼ်ႈတၢင်း တႃႈၼီႊ (ႁူင်းႁႅမ်းၼႆႉ မီး ၽၢႆႇဝၼ်းဢွၵ်ႇ တႃႈရူတ်ႉပၢတ်ႉသ် ယၢၼ် 200 မ. သေ မီးတီႈၼိူဝ် သဵၼ်ႈတၢင်း တႃႈၼီႊ) - ☏ +66 44 111 135။ မၼ်းပဵၼ် မဵဝ်း ႁူင်းႁႅမ်း ၵႃႈၶၼ်ထုၵ်ႇ ဢၼ်မဵၼ် မူဝ်ႇတႄႇလ် ဢမေႇရိၵၢၼ်ႇ၊ ႁွင်ႈၼွၼ်း ၵႂၢင်ႈလီသေ ၸႂ်ႉဝႆႉပၼ် ၶူဝ်းၾႃႇၼီႇၶျႃႇ ဢၼ်လီ၊ ထီႇဝီႇ၊ ဝၢႆႇၾၢႆႇ၊ ၵူၼ်းႁဵတ်းၵၢၼ်ၶဝ်ၵေႃႈ မေႃမိုတ်ႈၵိုဝ်း။ ပေႃးပဵၼ် ႁွင်ႈၼွၼ်း ဢၼ်ပႃး ဢႄးၵွၼ်းတႄႉ တေလႆႈပၼ် 500 ဝၢတ်ႇ။ ႁွင်ႈ ၽတ်ႉလူမ်း 280 ဝၢတ်ႇ။ (ဢၢပ်ႉတဵတ်ႉဝႆႉ မိူဝ်ႈ ဢွၵ်ႇ 2022)

• 6 ဢွင်ႈတီႈ ၸရိူၼ်းသိၼ် တီႈတႃႈရူတ်ႉလဵၼ်း (တီႈႁူးဢွၵ်ႇ တႃႈရူတ်ႉလဵၼ်း တူၺ်းၽၢႆႇၶႂႃမိုဝ်းၸဝ်ႈၵဝ်ႇ။ ႁူင်းႁႅမ်း မီးဝႆႉ ၽၢႆႇၶႂႃႇ ၵၾႄးဢမေႇၸူၼ်ႇ) - ☏ +66 44 611 559။ ၶိုၼ်းမႄး ၵုမ်းဝႆႉမႂ်ႇမႂ်ႇ။ ပေႃးဝႃႈ တေလႆႈၶီႇ ရူတ်ႉလဵၼ်းၸဝ်ႉၸဝ်ႉၼႆတႄႉ ပဵၼ်ဢၼ်လူမ်ၸႂ်ထူၼ်ႈ။ ၽတ်ႉလူမ်း B350, ဢေးၵွၼ်း B450။ (ဢၢပ်ႉတဵတ်ႉဝႆႉ မိူဝ်ႈ ဢွၵ်ႇ 2022)

• 7 ႁူင်းႁႅမ်း ထႆး 38/1 သဵၼ်ႈတၢင်း ရူမ်းပူးရီး (လုၵ်ႉတီႈ တႃႈရူတ်ႉလဵၼ်းသေ ၵႂႃႇ ၽၢႆႇၸၢၼ်းသိုဝ်ႈသိုဝ်ႈ၊ တေလႆႈၶၢမ်ႈပူၼ်ႉ တူင်ႇမူၼ်း ဢၼ်မီး ႁေႃၼႃႇရီႇ။ ႁူင်းႁႅမ်းၼႆႉ မီးတီႈ ၽၢႆႇသၢႆႉမိုဝ်း၊ တေႃႇၼႃႈၵၼ်တင်း CAT တႃႇဝႃႇ၊ လုၵ်ႉဢဝ်တီႈ တႃႈရူတ်ႉလဵၼ်း တေၵႆမွၵ်ႈ 100 မ.။) - ☏ +66 85 647 9793။ ၶိုၼ်းမႄးၵုမ်းဝႆႉ မႂ်ႇမႂ်ႇ။ ႁွင်ႈၼွၼ်း တင်းသဵင်ႈ ၶဝ်ႈပႃး ဢႄးၵွၼ်း လႄႈ ပႃး တၢင်းၵိၼ်ၵၢင်ၼႂ် လႄႈ ဝၢႆႇၾၢႆႇ။ ႁွင်ႈ ပၵတိ ဢႄးၵွၼ်း 500 ဝၢတ်ႇ၊ ႁွင်ႉ ဝီႇဢၢႆႇၽီႇ 690 ဝၢတ်ႇ။ (ဢၢပ်ႉတဵတ်ႉဝႆႉ မိူဝ်ႈ ဢွၵ်ႇ 2022)
• 8 ႁူင်းႁႅမ်း ပူးရီးတႄးလ် (โรงแรมบุรีเทล) 512/ ซ ถ, 1 ႁၼ်ၶျၼ၊ ၼႂ်းမိူင်း၊ ၸႄႈတွၼ်ႈ မိူင်းရမ်းပူးရီး - ☏ +6644612688။ ႁူင်းႁႅမ်းဢၼ်မႂ်ႇ၊ ႁွင်ႈၼွၼ်းၶိုၵ်ႉၶႅမ်ႉ၊ ၶဝ်ႈပႃး ၼွင်လုၺ်းၼမ်ႉ၊ ႁွင်ႈလဵၼ်ႈႁႅင်း၊ ႁွင်ႈပၢင်ၵုမ်၊ တၢင်းၵိၼ်ၵၢင်ၼႂ်၊ ဝၢႆႇၾၢႆႇၾရီး၊. 53,347 ၵျၢပ်ႈ။ (ဢၢပ်ႉတဵတ်ႉဝႆႉ မိူဝ်ႈ ဢွၵ်ႇ 2022)
• 9 ႁူင်းႁႅမ်း မႃမေႈသွင် (โรงแรมมาเมซอง) - ☏ +6644620070။ ႁူင်းႁႅမ်းမႂ်ႇ ၸၼ်ႉ သီႇလၢဝ်၊ ဢၼ်ၶိုၵ်ႉၶႅမ်ႉ၊ ၵႂၢင်ႈၶႂၢင်၊ သႅၼ်ႈသႂ်၊ ႁၢင်ႈၶိူင်ႈလၢၵ်ႇလၢႆးႁၢင်ႈလီ၊ ပႃးၼွင်လုၺ်းၼမ်ႉ၊ လၢႆးပႃး တၢင်းၵိၼ်တၢင်းယႅမ်ႉ ဢၼ်ၶိုၵ်ႉၶႅမ်ႉ။. 67,386 ၵျၢပ်ႈ။ (ဢၢပ်ႉတဵတ်ႉဝႆႉ မိူဝ်ႈ ဢွၵ်ႇ 2022)

ဢွင်ႈတီႈ ၸိူဝ်းၵဵဝ်ႇၵပ်း ယႃႈယႃ/ယူတ်းယႃ

ဢွင်ႈတီႈ ၵၢၼ်ၽႄႈပႆႇၺႃႇပၢႆးယႃႈယႃ၊ ႁူင်းယႃၵူႈလွင်ႈလွင်ႈ ပူးရီးရမ်း

တီႈပူးရီးရမ်းၼႆႉ မီးဝႆႉ ဢွင်ႈတီႈ ၸိူဝ်းၵဵဝ်ႇၵပ်း လွင်ႈယူတ်းယႃ/ယႃႈယႃ တဵမ်တဵမ်ထူၼ်ႈထူၼ်ႈ -

• ႁူင်းယႃလူင်ၵူႈလွင်ႈလွင်ႈ ပူးရီးရမ်း ဢၼ်မီး တီႈၵူႇတီႈၼွၼ်း 750
• သႅၼ်ႇတႃႇ ပၢႆးယူႇလီ ထႄႈသပၢၼ်း မိူင်းပူးရီးရမ်း
• ႁွင်ႈယႃ 66

သိုပ်ႇၵႂႃႇထႅင်ႈ

• သူၼ်ၸိူဝ်ႉၸၢတ်ႈ ၶဝ်ယႂ်ႇ
• ၼၶွၼ်းရႃၸသီမႃး
• ၽိမၢႆႇ
• သုရိၼ်း
• ဢုပူၼ်းရၢတ်ႉၶျ်ထႃးၼီး
• ၼင်ႈရွင်ႈ

သၢႆတၢင်း ပူးရီးရမ်း

ၵုင်းထဵပ်ႈ ← ၼၶွၼ်းရႃၸသီမႃး ←

တ  ဢ

→ သုရိၼ်း → ဢုပူၼ်းရၢတ်ႉၶျ်ထႃးၼီး