မျႃႉဝတီႇ

မျႃႉဝတီႇ (မၢၼ်ႈ မြဝတီမြို့ ၊ ဢိင်းၵလဵတ်ႈ Myawaddy) ၼႆႉ ပဵၼ်ဝဵင်းလႅၼ်လိၼ် တီႈ မျၢၼ်ႇမႃႇ ယဝ်ႉ။ တီႈလတ်းၶၢမ်ႈ လႅၼ်လိၼ် မႄႈသွတ်ႇ (မိူင်းထႆး) ၼႆႉ ပဵၼ်တီႈၶဝ်ႈမိူင်း ဢၼ်ၸၢင်ႈလုၵ်ႉတီႈၼိူဝ်လိၼ်သေ ၶဝ်ႈ တွၼ်ႈတႃႇ ၵူၼ်းၼွၵ်ႈမိူင်း ၸိူဝ်းဢၼ်တေၶႂ်ႈ လုၵ်ႉတီႈ မိူင်းၵွၵ်ႇ ၸူး တႃႈၵုင်ႈ ဢမ်ႇၼၼ် မိူင်းထႆး ၸူး မျၢၼ်ႇမႃႇ။ ဢၼ်ၵႂႃႇဢၼ်မႃး။

ၵွင်းမူး တီႈႁိမ်းၵျွင်းၽြႃး တီႈ မျႃႉဝတီႇ

လီႁူႉဝႆႉ

လႆႈမုင်ႈမွင်းဝႆႉဝႃႈ သေၶၢဝ်းၶၢဝ်းမႃး ဢၼ်ၼႆႉၼႆႉ မၼ်းတေပဵၼ် လွင်ႈလတ်းၶၢမ်ႈလႅၼ်လိၼ် ၵူႈၸိုင်ႈမိူင်း ဢၼ်ပဵၼ် ပွတ်းတွၼ်ႈ ၶွင် သဵၼ်ႈတၢင်းလူင် ဢေးသျႃး AH1 ဢၼ်တေ ဢဝ် ဝဵင်းတူဝ်ႇၵျူဝ်ႇ၊ မိူင်းၵျႃႇပၢၼ်ႇ ၵပ်းသိုပ်ႇပၼ်တင်း မိူင်းတိူဝ်ႇၵီႇ လႄႈ ပူႇၵႃႇရီႇယႃႇ ၼၼ်ႉယဝ်ႉ။ တွၼ်ႈ ၼႂ်းၵႄႈ ၵေႃႉၵရဵၵ်ႉ လႄႈ မျႃႉဝတီႇ ၼၼ်ႉ လႆႈပိုတ်ႇမႃး မိူဝ်ႈ လိူၼ်ၵျူႇလၢႆႇ 2015 ၼၼ်ႉယဝ်ႉ။

မျႃႉဝတီႇၼႆႉ ပဵၼ်ပၢႆတၢင်း ၸိုဝ်ႈလိုဝ်းလင် တွၼ်ႈတႃႇ ထူဝ်းရိတ်ႉ လႄႈ ၵူၼ်းဢွၵ်ႇၶၢဝ်းတၢင်း တီႈမိူင်းထႆး ၸိူဝ်းၶႂ်ႈ ႁဵတ်း "ဝီႇသႃႇ"၊ တူဝ်ယၢင်ႇမၼ်း ၵႂႃႇဢႅဝ်ႇလႄႇ မိူင်းတၢင်ႇမိူင်း ၸူဝ်ႈၵႅပ်ႉသေ ၶဝ် ၸုမ်ႈပႃႇမိတ်ႉ ၶဝ်ႈမိူင်းထႆး ဢၼ်မႂ်ႇ။ ၵူၼ်းမိူင်းဝၼ်းတူၵ်းၵမ်ႉၼမ်ၼႆႉ ပေႃးၶိုၼ်းၶဝ်ႈ မိူင်းထႆး ၸိူင်ႉၼႆ ၶဝ်လႆႈ ပႃႇမိတ်ႉၶဝ်ႈမိူင်း တႃႇ 30 ဝၼ်းယဝ်ႉ။ ၸိူဝ်းပဵၼ် ၵူၼ်းမိူင်းတၢင်ႇၸိူဝ်း ပၢႆလႆႈပဵၼ် တႃႇ 90 ၵွၼ်ႇ။ ၵူၺ်းၵႃႈဝႃႈ တီႈပွတ်းၽၢႆႇမျၢၼ်ႇမႃႇၼၼ်ႉ တွၼ်ႈတႃႇ ၵူၼ်းမိူင်းဝၼ်းတူၵ်းၶဝ် ဢမ်ႇဢဝ်လႆႈ ဝီႇသႃႇႁွတ်ႈၽႅဝ်။

ၶၢဝ်းယၢမ်း မျၢၼ်ႇမႃႇၼႆႉ ၸဝ်ႉလိူဝ် ၶၢဝ်းယၢမ်း မိူင်းထႆး 30 တႃသေ သၢႆတၢင်းရူတ်ႉၼႆႉ ပဵၼ်ဢၼ်ႁေႃႈ မိုဝ်းၶႂႃ ယဝ်ႉ။

ၵႂႃႇၸူး

လႅၼ်လိၼ် ပွတ်းၽၢႆႇ မျၢၼ်ႇမႃႇ

ရူတ်ႉပၢသ်ႉ ၸိူဝ်းဢၼ်လုၵ်ႉတီႈ ၽႃဢၢင်ႇ လႄႈ မေႃႇလမႅင်ႇ လႅၼ်ႈၸူး မျႃႉဝတီႇၼႆႉ မီးဝႆႉ ၵူႈဝၼ်းသေ ရူတ်ႉပၢသ်ႉ ဢၼ်လုၵ်ႉ တႃႈၵုင်ႈ (12 ၸူဝ်ႈမူင်း) မႃးၼၼ်ႉၵေႃႈ မီးဝႆႉယူႇၵမ်ႈၽွင်ႈ ၼင်ႇၵဝ်ႇ။ ရူတ်ႉထႅၵ်ႇၸီႇမဵဝ်းၶီႇႁူမ်ႈၵၼ် ဢၼ်လုၵ်ႉ ၽႃဢၢင်ႇမႃးၼႆႉ လႆႈပၼ် 8,000 ၵျၢပ်ႈသေ တၢင်းႁိုင် 2½ တေႃႇ 3 ၸူဝ်ႈမူင်း။

ပေႃးလုၵ်ႉတီႈ မႄႈသွတ်ႇ ဢၼ်ပဵၼ် ဝဵင်း ပွတ်းၽၢႆႇထႆး မႃးၼႆတႄႉ ၶီႇမႃးၸွမ်း ရူတ်ႉသွင်ထႅဝ် ဢမ်ႇၼၼ် ဢဝ်တင်း ၵၢၼ်တေႃႉသူင်ႇတၢင်ႇၸိူဝ်း ၵႂႃႇၸူး တီႈလတ်းၶၢမ်ႈ လႅၼ်လိၼ် ၵႃႈတီႈ 'ၶူဝ် တႆးၵေႃႉ ထႆး-မျၢၼ်ႇမႃႇ ဢၼ်မီးတီႈၼိူဝ် မႄႈၼမ်ႉမိူၺ်၊ မျႃႉဝတီႇၼႆႉ မီးဝႆႉတီႈ ၽၢႆႇပုၼ်ႉၶူဝ်ယဝ်ႉ။ ပေႃးလုၵ်ႉတီႈ မႄႈသွတ်ႇသေ ၶီႇသွင်ထႅဝ်ၼႆႉ တေမီးၼႂ်းၵႄႈ မွၵ်ႈ 20 ၼၼ်ႉယဝ်ႉ။

မိူဝ်ႈပႆႇၶဝ်ႈၸူး မျၢၼ်ႇမႃႇၼၼ်ႉ ၵူၼ်းၼွၵ်ႈမိူဝ်းၶဝ်ၼႆႉ တေလႆႈမီးဝႆႉ ဝီႇသႃႇ။ ဝီႇသႃႇၼႆႉ ၸၢင်ႈဢဝ်လႆႈတီႈ မိူင်းၵွၵ်ႇ၊ သင်လဝ်ႈတၢင်ႇ ၵၢင်ၼႂ် ဢမ်ႇၼၼ် လဝ်ႈတၢင်ႇ တီႈ ဢွၼ်ႇလၢႆး ၸၢင်ႈဢဝ်လႆႈ ၼႂ်းၶၢဝ်းတၢင်းၼိုင်ႈဝၼ်း။ လႅၼ်လိၼ်ၼႆႉ ပိုတ်ႇ ၼႂ်းၵႄႈ ၶၢဝ်းယၢမ်း 06:00 လႄႈ 18:00 ။ လွင်ႈလတ်းၶၢမ်ႈ လႅၼ်လိၼ်ၼႆႉ ဢမ်ႇမီး လွင်ႈၶွင်ႉၶမ်သင် - လူဝ်ႇတွင်းဝႆႉ ၸိုဝ်ႈဝဵင်း ဢၼ်ၸဝ်ႈၵဝ်ႇတေၵႂႃႇ လႄႈ ၸိုဝ်ႈ ႁဵင်းလိၵ်ႈ ဢၼ်ၸဝ်ႈၵဝ်ႇ တေၵႂႃႇသဝ်းၼၼ်ႉ၊ ပေႃးၼၼ် လွင်ႈလတ်းၶၢမ်ႈ လႅၼ်လိၼ်ၼႆႉ တေတိူဝ်းၽႂ်းဢိတ်းၼိုင်ႈ။

လွင်ႈသိုပ်ႇၶၢဝ်းတၢင်း ၽၢႆႇပုၼ်ႉမျႃႉဝတီႇ မိူဝ်ႈပူၼ်ႉမႃး ပႆႇပေႃးႁိုင်ၼၼ်ႉ

ၸွၼ်ႇ

မျႃႉဝတီႇၼႆႉ ဢိင်ဝႆႉတီႈၼိူဝ် သဵၼ်ႈတၢင်းလူင် ဢၼ်လုၵ်ႉတီႈ ၶူဝ်တႆးၵေႃႉသေ လတ်းၶၢမ်ႈဝဵင်းၵႂႃႇၼၼ်ႉ လႄႈ ယွၼ်ႉမၼ်းဢမ်ႇၸႂ်ႈဝဵင်းယႂ်ႇလူင်တႄႉတႄႉလႄႈ ပႆတိၼ်သေတဝ်လႄႇ ၵေႃႈ ၸွတ်ႇယူႇယဝ်ႉ။ ထႅင်ႈလၢႆးၼိုင်ႈတႄႉ ဢၼ်ပဵၼ်သၢမ်လေႃႉလႅင် ၸိူဝ်းၼႆႉၵေႃႈ ၵႂႃႇၵႂႃႇမႃးမႃးယူႇ ၵူႈတီႈယဝ်ႉ။

တူၺ်း

• 1 ၵွင်းမူး သူၺ်ႇမျိၼ်းဝုၼ်ႇ (ပေႃးလုၵ်ႉတီႈ တီႈၶၢမ်ႈလႅၼ်လိၼ်သေ ၶီႇသၢမ်လေႃႉၵႂႃႇၼႆ ႁိုင်မွၵ်ႈ 2-3 တႃ)။ ပဵၼ်ဢွင်ႈတီႈ ဢၼ်ႁၢင်ႈလီ ဢၼ်မီးဝႆႉႁုၼ်ႁၢင်ႈၽြႃး တင်းၼမ်၊ ၼႂ်းၵႃႈၼၼ်ႉ တႃႇသူႇၼိုင်ႈၼႆႉ ပဵၼ်ႁၢင်ႈမိူၼ် ၽြႃးလူင်မႁႃႇမုၼိ ဝဵင်းတႃႈလိူဝ်ႇၼၼ်ႉယဝ်ႉ။ ၵူၼ်းပိုၼ်ႉတီႈၶဝ်ဝႃႈတႄႉ ၵွင်းမူးၼႆႉ ဢႃႇယု မီး 1000 ပီ ပၢႆယဝ်ႉ ဝႃႈၼႆ။ (ဢၢပ်ႉတဵတ်ႉဝႆႉ မိူဝ်ႈ ၾႅပ်ႇ 2020)
• 2 ၵျွင်းငိူၵ်ႈ (the Crocodile Temple) (ပေႃးၶီႇ သၢမ်လေႃႉၵႂႃႇၼႆ လုၵ်ႉတီႈ လႅၼ်လိၼ်သေ လႆႈၵႂႃႇမွၵ်ႈ 6-7 တႃ)။ ပဵၼ်ၵျွင်းမုၼ်ၸဝ်ႈ ဢၼ်မီးၽၢႆလင် ႁုၼ်ႁၢင်ႈလိူၵ်ႈ ဢၼ်ယႂ်ႇယႂ်ႇ။ တီႈၼိူဝ်မၼ်းၼႆႉ မီးဝႆႉ ႁူင်းတူၺ်းလိၵ်ႈ၊ ၵူၺ်းၵႃႈဝႃႈ ၼၢင်းယိင်းဢမ်ႇလႆႈၶဝ်ႈ။ ဢၼ်ပဵၼ် ၶႅပ်းႁၢင်ႈ ဢၼ်ပၼ်ႇၶႂႃသၢႆႉ ဝႆႉၼၼ်ႉ မၼ်းသပ်းလႅင်းၼႄ ၸၢတ်ႈပၢၼ်ပုတ်ႉထ။ 
• 3 ၽြႃးၸုၵ်း။ တီႈဢွင်ႈတီးၼႆႉ မီးဝႆႉ ၽြႃးၸုၵ်း ဢၼ်မီးတၢင်းသုင် 20 မီႇတႃႇ သေ မီးဝႆႉ ႁိင်ႇသီၶမ်းလူင် လုၵ်ႈၼိုင်ႈ။ 
• 4 ၵျွင်းမုၼ်ၸဝ်ႈ ၵျၢၼ်ႇၶိၼ်း။ 

တီႈၵၢင်ဝဵင်းလႄႈ တီႈၸိူဝ်းပဵၼ် ဝၢၼ်ႈဢၼ်မီးႁိမ်းႁွမ်းၼၼ်ႉ လႆႈႁၼ်မီး ၵျွင်းမုၼ်ၸဝ်ႈတင်းၼမ် ဢၼ်မီးပႃး ၵွင်းမူးယႂ်ႇလူင်။ မီးဝႆႉၵၢၼ်တေႃႉသူင်ႇ တႃႇၵႂႃႇၸူး ၼင်ႇၽၢႆႇတႂ်ႈၼႆႉ-

• 5 ၵွင်းမူး
• 6 ၵွင်းမူး လႄႈ ပၢင်ႇႁုၼ်ႁၢင်ႈပုတ်ႉထ။ ႁုၼ်ႁၢင်ႈပုတ်ႉထ မီးၼမ်လိူဝ်ပၢၵ်ႇပၢႆ ဢၼ်ၼင်ႈဝႆႉ 
• 7 ၵွင်းမူး
• 8 ၵွင်းမူး ႁၢင်ႈမိူၼ်ႈ သူၺ်ႇတၵူင်ႇ
• 9 ၵွင်းမူးတူင်ႇမူၼ်း
• 10 ၵွင်းမူး
• 11 ၵွင်းမူးဢွၼ်ႇ
• 12 ၵွင်းမူးၼိူဝ်လွႆ။ ၵျွင်းၽြႃးၼႆႉ မီးဝႆႉတီႈၼိူဝ်လွႆ၊ လုၵ်ႉတီႈၵွင်းမူးဢွၼ်ႇသေ လႆႈပႆ 200 မီႇတႃႇ။ ၼၼ်ႉၵေႃႈ မီးဝႆႉ ၵွင်းမူးလူင်သေၵေႃႈ လုၵ်ႉတီႈၼၼ်ႈသေ ၸၢင်ႈမုင်ႈတူၺ်းလႆႈ ဢွင်ႈတီႈႁိမ်းႁွမ်း။ 
• 13 ၵွင်းမူး
• 14 ၵွင်းမူး
• 15 ၼမ်ႉမေႃႇ
• 16 ဢွင်ႈတီႈဝႆႈၽြႃး ဢၼ်မိူၼ်ၼင်ႇ ႁူင်းလဵၼ်ႈႁႅင်း

ႁဵတ်း

1 ၵၢတ်ႇ။ ၵၢင်ၼႂ်ၸဵမ်ၸဝ်ႉ လႄႈ ဝၢႆးဝၼ်း။ ၶဝ်ႈတဝ်တူၺ်း ၵၢတ်ႇဢၼ်လဵဝ် ဢၼ်မီး တၢင်းယၢဝ်း 2 ၵီႇလူဝ်ႇမီႇတႃႇ လႄႈ ႁိမ်းၶၢင်ႈတၢင်းမၼ်း။ 

သိုဝ်ႉ

တီႈမျႃႉဝတီႇၼႆႉ ႁပ်ႉၸႂ်ႉပႃး ငိုၼ်းထႆး (ၼင်ႇတႅမ်ႈဝႆႉ တီႈၼိူဝ် ဢွင်ႈတီး ဢွၼ်ႇလၢႆးၵမ်ႉၼမ် လႄႈ ပပ်ႉၸိၼမ်း) မၼ်းဢမ်ႇမီး လွင်ႈတၢင်းသင်။ မီးပႃး ၸၢၵ်ႈထွၼ်ငိုၼ်း ဢေႇထီႇဢႅမ်ႇ ဢၼ်ထွၼ်ဢွၵ်ႇလႆႈ ငိုၼ်းၵျၢပ်ႈ။ ပေႃးဝႃႈ ၶၢမ်ႈလႅၼ်လိၼ်ယဝ်ႉၼႆ တီႈၸွမ်းတၢင်းၼၼ်ႉ မီးၸၢၵ်ႈထွၼ်ငိုၼ်းတင်းၼမ်၊ ၵူၺ်းၵႃႈ ၽၢင်ႉသေ ၵူတ်ႇထတ်းတူၺ်းသွင်ၵမ်းၼႃႉ။

2 ၶွမ်းပလႅၵ်ႉ မျႃႉဝတီႇ - ☏ +66 36 288 867။ မီးဝႆႉ ၶႃႇၸီႇၼူဝ်ႇ လႄႈ လၢၼ်ႉၶၢႆၶူဝ်းလွတ်ႈၶွၼ်ႇ။ 

ၵိၼ်

ၸွမ်းသဵၼ်ႈတၢင်း တီႈတၢင်းၵႂႃႇ လႅၼ်လိၼ်ၼၼ်ႉ မီးဝႆႉလၢၼ်ႉ လႄႈ တီႈၵိၼ်ယႅမ်ႉတင်းၼမ်။

ၼွၼ်း

တီႈမျႃ့ဝတီႇၼႆႉ မီးဝႆႉ ဢွင်ႈလိုဝ်ႈသဝ်း လႄႈ ႁူင်းႁႅမ်းဢွၼ်ႇ တင်းၼမ်၊ ၵူၺ်းၵႃႈဝႃႈ ၵပ်းသိုပ်ႇသေ သင်ႇမၢႆဝႆႉထႃႈလႄႈ၊ ယွၼ်ႉပိူဝ်ႈဝႃး ဢွင်ႈလိုဝ်ႈသဝ်းမၢင်ၸိူဝ်းၼႆႉ ၶဝ်ဢမ်ႇၸၢင်ႈႁပ်ႉၶႅၵ်ႇလႆႈထႅင်ႈ ဢမ်ႇၼၼ် ဢမ်ႇမီးမႂ်ၶႂၢင်း တႃႇႁပ်ႉ ထူဝ်းရိတ်ႉ။

• 1 ႁူင်းႁႅမ်း လေႃးၷ သဵၼ်ႈတၢင်း ၶျိတ်ႉၵျီႇယေး။ 
• 2 ႁူင်းႁႅမ်း မျႃႉဝတီႇ Chit kyi yay Road (လုၵ်ႉတီႈ တီႈၶၢမ်ႈလႅၼ်လိၼ်သေ ယၢၼ် 750 မီႇတႃႇ) - ☏ +95 58 50519, +95 9 252 636527။ ဢွင်ႈၼွၼ်း ၵဵင်ႈသႂ်လီသေ ၵႃႈၶၼ်ထုၵ်ႇ။ ၶဝ်ႈပႃး တၢင်းၵိၼ်ၵၢင်ၼႂ်လႄႈ လၢၼ်ႉတၢင်းၵိၼ်။ US$22-30။ 

ယူႇသဝ်းႁႂ်ႈလွတ်ႈၽေး

ၽၢင်ႉ - လွင်ႈယွၵ်ႇလႅၼ် ၵၢၼ်ငၢၼ်း ၼွၵ်ႈမိူင်း ၸိူဝ်းၼႆႉ ၵျၢမ်းထၢမ်းဝႆႉ တီႈ Northern Myanmarၼႆႉယဝ်ႉ။ ၵူၼ်းၸိူဝ်းၼႆႉ ၶၢမ်ႇတၢင်းၸၼ်ၸႂ်ဝႃႈ ဢမ်ႇတၢပ်ႈလူဝ်ႇ မီးၵၢၼ်ထူပ်းမိုဝ်း ဢမ်ႇတၢပ်ႇလူဝ်ႇဝီႇသႃႇႁဵတ်းၷၢၼ်သေၵေႃႈ တေလႆႈ ငိုၼ်းလိူၼ်ၼမ်ၼမ်၊ ဝၢႆးသေၼၼ်ႉ ၶဝ်ၶၢမ်ႇတၢင်း တိၶင်လွၵ်ႇငိူတ်ႈသေ တဵၵ်းၸႂ်ႉႁဵတ်းၵၢၼ်တီႈ ႁူင်းႁပ်ႉၸႅင်ႈ၊ ၵၢၼ်တေႃႇလွင်းဢွၼ်ႇဢၢႆး တႄႇၵႂႃႇၸိူဝ်းၼႆႉယဝ်ႉ။ တွၼ်ႈတႃႇ ႁူဝ်ယွႆႈမၼ်း တူၺ်းတီႈ ၵႃႉၶၢႆၵူၼ်း ၼၼ်ႉလႄႈ။ ၵမ်ႉၼမ်တႄႉ ၵႆႉၵႆႉ ယိူင်းၸူး ၵူၼ်းလၢတ်ႈၵႂၢမ်းၶႄႇ၊ ၵူၺ်းၵႃႈဝႃႈ တၢင်ႇၸိူဝ်းၵေႃႈ ထုၵ်ႇၶမ်ၺႃးၼင်ႇၵဝ်ႇယဝ်ႉ။ သင်ၸိူဝ်ႉဝႃႈ ၸဝ်ႈၵဝ်ႇ ဢမ်ႇၼၼ် သေၵေႃႉၵေႃႉ ႁူႉဝႃႈ ၶၢမ်ႇတၢင်းတိၺွပ်း လွင်ႈယွၵ်ႇလႅၼ်ဢၼ်ၼႆႉၼႆ ၵပ်းသိုပ်ႇ မိတ်ႇသျိၼ်ႇ ၽွင်းတၢင် ၶွင်မိူင်းၸဝ်ႈၵဝ်ႇ ။

တၢင်းၶႆႈၸႂ် ဢွၵ်ႇၶၢဝ်းတၢင်း လူင်ပွင်ၸိုင်ႈ ႁွင်းၵွင်း

သိုပ်ႇၵႂႃႇထႅင်ႈ

• ၸဝ်ႈၵဝ်ႇ ၸၢင်ႈၶၢမ်ႈလႅၼ်လိၼ်သေၵေႃႈ ၵႂႃႇလႆႈ ၸူး မႄႈသွတ်ႇ တီႈ မိူင်းထႆး။
• တီႈမျႃႉဝတီႇၼႆႉ မီးပၢသ်ႉလႅၼ်ႈၵူႈဝၼ်း ဢၼ်လုၵ်ႉဢဝ် မျႃႉဝတီႇ ၵႂႃႇၸူး ၽႃဢၢင်ႇ လႄႈ မေႃႇလမႅင်ႇ၊ တေလႆႈပၼ် မွၵ်ႈ 5,000 ၵျၢပ်ႈ။ ဢိင်ၼိူဝ် ၶၢဝ်းဢၼ်ၸဝ်ႈၵဝ်ႇ ႁွတ်ႈၽႅဝ်သေ မၼ်းတေၸၢင်ႈငၢႆႈငႅမ်ႈ ဢမ်ႇၼၼ် တေလူဝ်ႇလႆႈၶၢတ်ႈ ထႅၵ်ႇၸီႇ (မွၵ်ႈ 10,000 ၵျၢပ်ႈ)။ ဝၢႆးသေ ၶၢမ်ႈ လုမ်းၵၢတ်ႇသတမ်ႇယဝ်ႉ ၵူၼ်းႁေႃႈရူတ်ႉထႅၵ်ႇၸီႇ ဢမ်ႇၼၼ် ဢူၺ်းၵေႃႉ ၶဝ် ၸိူဝ်းလၢတ်ႈၵႂၢမ်းဢိင်းၵလဵတ်ႈၼၼ်ႉ တေမႃးထၢမ်ယဝ်ႉ။ ဢိင်ၼိူဝ် သၢႆတၢင်းသေ တေလႆႈၶီႇရူတ်ႉ တၢင်းႁိုင် 3-5 ၸူဝ်ႈမူင်း ဢိၵ်ႇပႃး တီႈၵိုတ်းလိုဝ်ႈယဝ်ႉ။ တၢင်းမၢင်တီႈတႄႉ တိုၵ်ႉမႄးဝႆႉယူႇ။
• ရူတ်ႉပၢသ်ႉ ဢၼ်ၵႂႃႇၸူး တႃႈၵုင်ႈ ၼႆႉ ဢွၵ်ႇၶၢဝ်း 08:00၊ 09:00 လႄႈ 10:00၊ တၢင်းႁိုင် 12 ၸူဝ်ႈမူင်း၊ မွၵ်ႈ 13,000 ၵျၢပ်ႈ။

AH1