ဢၢဝ်ႇပၢင်ႇလၢႆႇ ပွတ်းႁွင်ႇ

ဢၢဝ်ႇပၢင်ႇလၢႆႇ ပွတ်းႁွင်ႇ ၼႆႉ ပဵၼ် ၼႃႈလိၼ် ဢၼမီးတီႈ ထုင်ႉပွတ်းၵၢင် ၶွင် မိူင်းထႆး ၼၼ်ႉယဝ်ႉ။ လႆႈလၢတ်းၶၢမ်ႈမၼ်း တွၼ်ႈတႃႇ ႁွတ်ႈၽႅဝ် မိူင်းထႆး ပွတ်ႈၸၢၼ်း ယဝ်ႉ။

မွၵ်ႇလီလႃဝတီႇ တီႈ သူၼ်ၵိုၵ်းပိုၼ်း ၽရၼၶွၼ်းၶီရီ၊ ၸႄႈမိူင်းၽဵတ်ႉၶျ်ပူးရီး

ဝဵင်းလူင်

• 1 ၽဵတ်ႉၶျ်ပူးရီး — ဝဵင်းၵိုၵ်းပိုၼ်း
• 2 ၶျႃႉဢၢမ်း — သၢႆး၊ ပၢင်ႇလၢႆႇ၊ လႅတ်ႇ
• 3 ႁူဝ်ႁိၼ် — ဢွင်ႈလိုဝ်ႈသိုဝ်း ၽင်ႇပၢင်ႇလၢႆႇ တီႈ ဢၢဝ်ႇပၢင်ႇလၢႆႇcoast
• 4 ပရၸူပ်ႇၵိရိၶၼ်
• 5 ပၢၼ်းၶရုတ်ႇ — ဢွင်ႈလိုဝ်ႈသဝ်း ၽင်ႇပၢႆႇလၢႆႇ ဢၼ်ယဵၼ်လီ ဢၼ်မီးတီႈ ၽၢႆႇၸၢၼ်း ႁူဝ်ႁိၼ်

ပၢႆတၢင်း တၢင်ႇၸိူဝ်း

• 1 သူၼ်ၸိူဝ်ႉၸၢတ်ႈ ၵႅင်ၵရၶျၼ်

ၵႂႃႇၸူး

တင်း ႁိူဝ်းမိၼ်

တႃႈႁိူဝ်းမိၼ် ႁူဝ်ႁိၼ် (HHQ  ^IATA)

ၵုင်းထဵပ်ႈ ဢၼ်ပေႃးၵႆၵၼ်တင်း တႃႈႁိူဝ်းမိၼ်မၼ်း။

တင်း လူတ်ႉလဵၼ်း

မီးၵၢၼ်ၸွႆႈသၢင်ႈ လူတ်ႉလဵၼ်း ဢၼ်မႃးတီႈ ၵုင်းထဵပ်ႈ။

ႁဵတ်း

လဵင်ႉတၢင်းၵိၼ်ၸၢင်ႉ တီႈ ၾွင်ႇတေးသျိၼ်း ဢူၺ်းၵေႃႉ တူဝ်သတ်းထိူၼ်ႇ မိူင်းထႆး

• ၵႂႃႇၸူး ၽင်ႇပၢင်ႇလၢႆႇ - ဝဵင်းၽင်ႇပၢင်ႇလၢႆႇ ၸိူဝ်းမီးတီႈ ဢၢဝ်ႇပၢင်ႇလၢႆႇၼၼ်ႉ ပဵၼ်တွၼ်ႈတႃႇ လုၺ်းၼမ်ႉ လႄႈ လွင်ႈတူင်ႉၼိုင် ၽင်ႇပၢင်ႇလၢႆႇ တၢင်ႇၸိူဝ်း။
• 1 ၾွင်ႇတေးသျိၼ်း ဢူၺ်းၵေႃႉ တူဝ်သတ်းထိူၼ်ႇ မိူင်းထႆး (ဢွင်ႈတီႈ ၽူတ်ႇၸွႆႈ တူဝ်သတ်းထိူၼ်ႇ လႄႈ ပၢင်သဝ်းၸၢင်ႉ) - ☏ +66 8-22458598။ တီႈၼႆႈၼႆႉ ဢမ်ႇမီး လွင်ႈဢၼ်ၶီႇၸၢင်ႈ ဢမ်ႇၼၼ် လွင်ႈၼႄသတ်ႉၵၢတ်ႇ၊ ၵူၺ်းမီး တူဝ်သတ်းထိူၼ်ႇ ၸိူဝ်းၽူတ်ႇၸွႆႈဢဝ်ဝႆႉ ဢၼ်တႃႇပၼ် ၶႅၵ်ႇတူၺ်း လႄႈ ၵပ်းသိုပ်ႇၵၼ်တင်း ၸၢင်ႉ ၸွမ်းၼင်ႇ မီးၽိင်ႈမၼ်းၼၼ်ႉ။ တူဝ်းသတ်း တီႈသူၼ်ၼႆႉ မၼ်းပဵၼ် ၸိူဝ်းဢၼ်ၽူတ်ႇၸွႆႈဢဝ်မႃးတီႈ လွင်ႈၵႃႉတူဝ်သတ်း ဢမ်ႇၼၼ် တီႈ ၵၢၼ်ပၢႆးလဝ်ႇမူၼ်ႈ ဢမ်ႇၼၼ် ၸိူဝ်းဢၼ်လႆႈတၢင်းၸဵပ်းမၢတ်ႇ ယွၼ်ႉသၽႃႇဝ ဢမ်ႇၼၼ် ယွၼ်ႉပိူဝ်ႈၵူၼ်း၊ သေ ဝၢႆးသေ ၶိုၼ်းပူၵ်းပွင်ၶဝ်ယဝ်ႉၵေႃႈ ပဵၼ်ဢၼ်ၶိုၼ်းလွတ်ႈမႃး တင်းၼမ်ယူႇ။ တီႈသူၼ်ၼၼ်ႉ မီး တူဝ်သတ်း 900 ပၢႆသေ ၸိူဝ်ႉၽၼ်းမၼ်း မီး 70 ပၢႆ၊ ႁူဝ်ၼပ်ႉမၼ်းတႄႉ ဢိင်ၼိူဝ် လွင်ႈတိၺွပ်း လႄႈ လွင်ႈပွႆႇပၼ်ၶိုၼ်းသေ တေၸၢင်ႈလႅၵ်ႈလၢႆႈယူႇ။ ၵူၺ်းၵႃႈဝႃႈ ဢၼ်ၸဝ်ႈၵဝ်ႇ တေၸၢင်ႈၼႄႉၼွၼ်းတႄႉ ၸၢင်ႉတႄႉ မီးတင်းၼမ်သေ လိင်းၵေႃႈ မီးပဵၼ်လၢႆမဵဝ်း၊ မိူၼ်ၼင်ႇ မီ၊ ၼူၵ်ႉယုင်း၊ ပူဝ်ႇလႃႇ၊ ၶႅတ်ႉသူဝ်ႇဝႃႇရီႇ၊ လူဝ်ရီသႅတ်ႉထိူင်း၊ ဢေႃရၼ်ၵူတၼ်၊ သိူဝ် လႄႈ မူၼ်ႈ ၸိူဝ်းၼႆႉ။ ဢၼ်ပဵၼ် ၶၢဝ်းတၢင်းထွင်ႈတဵဝ်း တႃႇၼိုင်ႈဝၼ်း (မီး လူတ်ႉပိၵ်ႉၵပ်ႈ ဢၼ်မႃးတီႈ ႁူဝ်ႁိၼ်၊ ၶျႃႉဢၢမ်း၊ ဢမ်ႇၼၼ် ၵုင်းထဵပ်ႈ) တေၶဝ်ႈပႃး ၵၢၼ်ပႆတိၼ်ထွင်ႈတဵဝ်း ဢၼ်တေၸၢင်ႈလဵပ်ႈႁဵၼ်းလႆႈ လွင်ႈတူဝ်သတ်းၸိူဝ်းၼႆႉ လႆႈၶၢမ်ႇပေႉၵိၼ်မႃးၸိူဝ်းႁိုဝ်ဢၼ်ဝႃႈၼၼ်ႉ၊ ၵိၼ်ၶဝ်ႈဝၼ်း ပူႇၽေး (မီးပႃး တၢင်းလိူၵ်ႈ တႃႇၵူၼ်းၵိၼ်ၸၢႆ)၊ လဵင်ႉတၢင်းၵိၼ် လႄႈ ဢၢပ်ႇၼမ်ႉၸၢင်ႉ၊ ၵိုတ်းတီႈ လၢၼ်ႉၶၢႆၶွင်ၽၢၵ်ႇသေ ၵမ်းလိုၼ်းသုတ်းမႃး ၶီႇလူတ်ႉပၢသ်ႉ ဢၼ်ႁႄႉဝႆႉသေ ထွင်ႈတဵဝ်းတူၺ်း။ ဢၼ်ပဵၼ် ၶၢဝ်းတၢင်း ၶိုင်ႈဝၼ်းၼၼ်ႉတႄႉ တေပႃး လွင်ႈပႆတိၼ်ထွင်ႈတဵဝ်း၊ ၵိၼ်ၶဝ်ႈဝၼ်း ဢမ်ႇၼၼ် ပေႃးၸဝ်ႈၵဝ်ႇ သူင်ၸႂ် ၸဝ်ႈၵဝ်ႇ ၸၢင်ႈယူႇသဝ်း တီႈ ဢွင်ႈလိုဝ်ႈသဝ်း (ၶဝ်ႈပႃး တၢင်းၵိၼ်ၵၢင်ၼႂ် တင်း ၸၢင်ႉ) ဢမ်ႇၼၼ် ၶဝ်ႈၸွႆႈၵၢၼ် ၵႃႈတီႈ ပၢင်သဝ်းၼၼ်ႉ။ ၶၢဝ်းတၢင်းၼိုင်ႈဝၼ်း - 1,600 ပၢတ်ႉ၊ တွၼ်ႈတႃႇ လုၵ်ႈဢွၼ်ႇ ဢႃႇယု 7-12 ၼႆႉ လႆႈပၼ် 1,100။ ပေႃးပဵၼ် ၶၢဝ်းတၢင်း ၶိုင်ႈဝၼ်း 1,100 ပၢတ်ႉ၊ တွၼႈတႃႇလုၵ်ႈဢွၼ်ႇ 700 ပၢတ်ႉ။ ၵၢၼ်တေႃႉသူင်ႇ၊ ၵူၼ်းၼိုင်ႈၵေႃႉ 200 ဝၢတ်ႇ သေ တမ်းပၼ်တီႈ ႁူဝ်ႁိၼ် ဢမ်ႇၼၼ် ၶျႃႉဢၢမ်း၊ လူတ်ႉပိၵ်ႉၵပ်ႉ ၼိုင်ႈလမ်း လႆႈပၼ် 3,500 ပၢတ်ႉသေ တေတမ်းပၼ်တီႈ ၵုင်းထဵပ်ႈ၊ တွၼ်ႈတႃႇ လွင်ႈတီႈႁူဝ်ယွႆႈမၼ်း တူၺ်းတီႈ ဝႅပ်ႉသၢႆႉလႄႈ။ (ဢၢပ်ႉတဵတ်ႉဝႆႉ မိူဝ်ႈ ၾႅပ်ႇ 2020)